"მანჩესტერ იუნაიტედის" ყოფილმა თავდამსხმელმა, მაიკლ ოუენმა ლუი ვან გაალი გააფრთხილა, რომ პრემიერ ლიგის ცხრილის მესამე ადგილი გუნდის მინიმალური მიზანი უნდა იყოს.

ჰოლანდიელი მწვრთნელის ხელმძღვანელობის ქვეშ "იუნაიტედმა" ზედიზედ 6 გამარჯვება მოიპოვა და 1 ფრე ითამაშა, რამაც "წითელ ეშმაკებს" მესამე ადგილზე თავის დამკვიდრების საშუალება მისცა.

მაგრამ ოუენი, რომელიც ამჟამად BT Sport-ს ექსპერტია აცხადებს, რომ ტრავმირებული ფეხბურთელების დაბრუნების შემდეგ მისი ყოფილი გუნდი უფრო მაღალი მიზნებისთვის იბრძოლებს.

"სეზონის დაწყების წინ მოლოდინი მესამე და მეოთხე ადგილს შორის არ ყოფილა."

"ხალხის უმრავლესობა ელოდა, რომ "იუნაიტედი" ტიტულისთვის იბრძოლებდა."

"მათ მოიგეს წინასასეზონო ტურნეზე ყველა მატჩი, მოიყვანეს ახალი მწვრთნელი, რომელსაც შესანიშნავი შედეგები აქვს და დახარჯეს მთელი სიმდიდრე."

"შესაძლოა თქვათ, რომ მათ მოლოდინს გადააჭარბეს, რამეთუ მესამე ადგილზე იმყოფებიან, მაგრამ მე ასე არ ვფიქრობ."

"პრემიერ ლიგის მესამე ადგილზე დასრულება მინიმალური მიზანი იქნება." - განაცხადა ოუენმა.

წყარო: dailymail