"მანჩესტერ იუნაიტედის" ყოფილმა მთავარმა მწვრთნელმა, სერ ალექს ფერგიუსონმა მაიკლ კერიკს პრემიერ ლიგის საუკეთესო ნახევარმცველი უწოდა.
მას შემდეგ, რაც კერიკმა ტრავმა მოიშუშა და კლუბს დაუბრუნდა, ლუი ვან გაალის შეგირდებმა შვიდიდან ექვსი მატჩი მოიგეს და ფერგიუსონი ამაში კერიკის დიდ ღვაწლს ხედავს.
"ვფიქრობ - მაიკლი ინგლისის პრემიერ ლიგაში საუკეთესო ცენტრალური ნახევარმცველია. ასეთ თამაშში ის საუკეთესო ინგლისელი მოთამაშეა." - განაცხადა სერ ალექსმა.
ფერგიუსონმა ისიც აღიარა, რომ "წითელი ეშმაკების" თამაშით ძალიან კმაყოფილია და იმედოვნებს, რომ "იუნაიტედი" სეზონს მაღალ საფეხურზე დაასრულებს. "არც კი ვიცი, ტრავმების ასეთი რაოდენობის ფონზე ლუი ვან გაალი უკეთეს შედეგს თუ ელოდა. როცა მოთამაშეები მწყობრში ჩადგებიან, თქვენ "იუნაიტედის" აღმასვლას დაინახავთ. ლუი წარმატებული იქნება, რადგან ის დიდებული მწვრთნელია."
"არ მაინტერესებს რა მოსდით იმ ფეხბურთელებს, რომლებიც მან შეიძინა, რადგან მათ დრო სჭირდებათ."
"როცა იანვარში პატრის ევრა და ნემანია ვიდიჩი შევიძინე, ზუსტად ასეთი რამ მოხდა. "მანჩესტერ იუნაიტედში" თამაშთან შესაგუებლად 5 თვე დასჭირდათ. ახალი ფეხბურთელების შემთხვევაში ყოველთვის ასეა." - დაასრულა ფერგიუსონმა.