სანამ "მანჩესტერ იუნაიტედი" "ნიუკასლს" მიიღებდეს, კლუბის ოფიციალურმა საიტმა გადაწყვიტა Boxing Day-ს გამორჩეული ბომბარდირები გაიხსენოს.

ბრაიან მაკკლეირი



Boxing Day-ზე "მანჩესტერ იუნაიტედის" მეფე გოლეადორი ბრაიან მაკკლეირი გახლავთ. შოტლანდიელი თავდამსხმელი წლის მიწურულს ფორმის პიკს აღწევდა. მას "ნორვიჩის", "ოლდჰემისა" და "შეფილდის" კარები აქვს დალაშქრული.

რაიან გიგზი



რაიან გიგზი თავისი დიდებული კარიერის განმავლობაში, შობის პერიოდში მცველებს თავბრუს ახვევდა და 1991 წელს მან "ოლდჰემს" დასამახსოვრებელი სოლო რეიდის შემდეგ გაუტანა ბრწყინვალე გოლი. მატჩი 6-3 დასრულდა.

სტენ პირსონი



სტენ პირსონმა ნამდვილად იცოდა სად მდებარეობდა მოწინააღმდეგის კარი და მან Boxing Day-ს მატჩებში საერთო ჯამში 5 გოლი გაიტანა, მათგან 1949 წელს "ოლდ ტრაფორდზე" "არსენალის" კარში შესრულებული დუბლი - მატჩი "იუნაიტედმა" 2-0 მოიგო.

დენის ვაიოლეტი



დენის ვაიოლეტი მუდამ იმყოფებოდა გოლეადორთა შორის და მას Boxing Day-ზე 5 გოლი აქვს გატანილი, მათ შორის "კარდიფისა" და "ასტონ ვილას" წინააღმდეგ.

დიმიტარ ბერბატოვი



შობის პერიოდი ნამდვილად მოსწონდა - 2011 წელს "უიგანის" 5-0 გამანადგურებელ მატჩში ბულგარელმა ჰეთ-ტრიკი შეასრულა და ზამთრის პერიოდში ყოველთვის კარგად გამოიყურებოდა.

ჯორჯ ბესტი



ჯორჯ ბესტი "იუნაიტედის" კიდევ ერთი ლეგენდაა, რომელსაც თავის სახელზე 4 გოლი აქვს მითვლილი, მათ შორის 1967 წელს "ვულვზის" კარში შესრულებული დუბლი. ერთი წლით ადრე ჩრდ. ირლანდიელმა შეხვედრის ერთადერთი გოლი გაიტანა "შეფილდის" კარში და 1970 წელს "დერბისაც" გაუტანა, როცა შეხვედრა 4-4 დასრულდა.

სერ ბობი ჩარლტონი



26 დეკემბერს ჩატარებულ მატჩებში 4 გოლის ავტორთა სია ბობი ჩარლტონით დავასრულოთ, რომელსაც 1967 წელს "ვულვზის" 4-0 დამარცხებაში მიუძღვის წილი.

"იუნაიტედის" მოქმედი ფეხბურთელებისგან 26 დეკემბერს ყველაზე მეტი გოლი უეინ რუნის აქვს გატანილი - 2 გოლი.

წყარო: carrick.ru