"მანჩესტერ იუნაიტედის" ნახევარმცველი, მაიკლ კერიკი იმედოვნებს, რომ გულშემატკივარს ჯერ რადამელ ფალკაოს თამაშის მაქსიმუმი არ უნახავს.
"იუნაიტედის" რიგებში გადასვლის შემდეგ რადამელმა მხოლოდ მეოთხედ მიიღო სასტარტო შემადგენლობაში ადგილი და "ვილა პარკზე" მან თავის გუნდს ქულა მოაპოვებინა.
"მას კარიერის განმავლობაში უამრავი გოლი გაუტანია და როცა მას შანსი ეძლევა, შენ გრძნობ, რომ ის აუცილებლად გაიტანს. მან დღეს შესანიშნავი თავური გაიტანა და მის გამო მოხარული ვარ." - განაცხადა კერიკმა.
"გარკვეული პერიოდის უქმობის შემდეგ ის გუნდს დაუბრუნდა და მისი დახმარებით ჩვენ შეგვიძლია გამარჯვებების სერია დავაბრუნოთ."
"მოვლენები კარგად ვითარდება. მიუხედავად იმისა, რომ "ვილა პარკზე" მეტის იმედი გვქონდა, ჩვენ არ წავაგეთ და იმედი მაქვს შობის პერიოდში ეს გაგრძელდება, უფრო გავძლიერდებით და იანვარს წარმატებით შევხვდებით."