ლუი, რას იტყვით დღევანდელი "იუნაიტედის" თამაშზე?

გაკვირვებული ვარ და ვფიქრობ, მოთამაშეებიც ასე არიან, რადგან ჩვენ მეტოქეზე გაცილებით კარგად გამოვიყურებოდით, მაგრამ მატჩი ვერ მოვიგეთ. პირველ ტაიმში გუნდს აგრესიულობა აკლდა, ხოლო მეორე ტაიმში ამ კომპონენტში მოვუმატეთ. არ შემიძლია არ შევაქო "ასტონ ვილა", გუნდი კარგად იყო ორგანიზებული. ასეთ მატჩებში ყოველთვის რთულია გატანა. როდესაც ასეთ მატჩში გოლს გაუშვებ, ხვდები, რომ ძალიან გაგიჭირდება შემდეგ თამაში. ყველაფერი გავაკეთეთ მეორე ტაიმში, რომ მატჩი ჩვენს სასრგებლოდ დასრულებულიყო, მივმართავდით პრესინგს, აგრესიულებიც ვიყავით და გოლიც გავიტანეთ, მაგრამ ეს საკმარისი არ აღმოჩნდა. გოლი გავიტანეთ, მაგრამ საკმარისად ეფექტურები არ ვიყავით შეტევაში. ნაწყენი ვარ, რადგან შეგვეძლო მეშვიდე გამარჯვება მოგვეპოვებინა ზედიზედ, სამწუხაროდ ასე არ მოხდა.

გაგიჭირდათ თუ არა თამაში აგბონლაჰორის გაძევების შემდეგ?

დიახ. "ასტონ ვილა" სივრცეებს კარგად კეტავდა და უფრო მჭიდროდ თამაშობდა. მოწინააღმდეგე საკუთარ საჯარიმოს მიეჯაჭვა, ჩვენ კი ჩაწოდებებს მოვუხშირეთ მათ საჯარიმოში, ასეთ დროს კი ბენტეკე შეუდარებელია. ის ძალიან ძლიერია. მას ვერ გავუმკლავდით. "ასტონ ვილა" 10 კაცითაც დიდ საფრთხეს გვიქმნიდა.

დღეს ფალკაომ კარგი მატჩი ჩაატარა

ძალიან მიხარია მის გამო. რადამელს აუცილებლად უნდა გაეტანა. ყოველთვის ბედნიერი ვარ, როდესაც თავდამსხმელებს გოლები გააქვთ.

თუ ტრავმირებულთა რაოდენობას გავითვალისწინებთ, შეიძლება 7 ქულით ლიდერთან ჩამორჩენა წარმატებულად ჩავთვალოთ?

ბოლომდე მაინც ვერ დაგეთანხმებით. ტრავმები - ფეხბურთის ნაწილია. ბევრი ტრავმირებული ფეხბურთელი გვყავს, მაგრამ ასეც შეიძლება ჩავთვალოთ.

თქვენი აზრით, სამართლიანი იყო აგბონლაჰორის გაძევება?

მომენტი კარგად ვერ დავაფიქსირე, ამიტომ გაძევების მიზეზი არ ვიცი. რაც შეეხება ბლეკეტის ფეხებში ვარდნას, მე ვფიქრობ, იქ წესების დარღვევა არ ყოფილა. არ ვიცი, რატომ გააძევეს აგბონლაჰორი, ამიტომ არ შემიძლია გითხრათ რამე ამ მომენტზე.



წყარო:http://carrick.ru