ლუი ვან გაალმა განაცხადა, რომ "ასტონ ვილასთან" დაკარგული ორი ქულა შესაძლოა გუნდს ტიტულის ფასად დაუჯდეს.
ვან გაალმა ფეხბურთელები გააფრთხილა, რომ თამაშში "მანჩესტერ სიტის" უფრო მეტად უნდა დაემსგავსონ, თუ სურთ, რომ პრემიერ ლიგის ცხრილის სათავეში მოექცნენ.
"იუნაიტედს" "ასტონ ვილა" გაბრიელ აგბონლაჰორის გაძევების შემდეგ 10 კაცით ეთამაშებოდა, მაგრამ მიუხედავად ამისა, ლუი ვან გაალის შეგირდებმა გამარჯვების მოპოვება ვერ მოახერხეს.
"ჩვენ ორი ქულა დავკარგეთ. ჩვენ უკეთესი გუნდი ვიყავით და სამწუხაროა, როცა უკეთესი ხარ და ვერ იმარჯვებ."
"თუ გსურს, რომ ტიტულისთვის ბრძოლაში იმყოფებოდე, ასეთ მატჩებში უნდა იმარჯვებდე."
"მანჩესტერ სიტის" თამაშის პირველი ტაიმი ვნახე "კრისტალ პალასთან" მატჩში. საწყისი 10 წუთის განმავლობაში "პალასს" შეეძლო დაწინაურებულიყო. "სიტი" პირველ ტაიმში ცუდად თამაშობდა, მაგრამ საბოლოოდ 3-0 იმარჯვა."
"სხვაობაც ეს არის."
"შენ იცი, რომ ასეთი მატჩები უნდა მოიგო და ჩვენ ვერ გავაკეთეთ ეს. მაგრამ ჯერ კიდევ წინ არის ყველაფერი. "ჩელსი" "სტოკ სიტის" სტუმრობს და ეს ადვილი მატჩი არ იქნება."