"ასტონ ვილასთან" ნათამაშები 1-1 მატჩის შემდეგ უეინ რუნი იმედგაცრუებული დარჩა და მიაჩნია, რომ მის გუნდს სამი ქულა უნდა აეღო.
"იმედგაცრუებულები ვართ. ვფიქრობ, მათზე უკეთესები ვიყავით და მათი გოლი მატჩის მსვლელობას არ შეესაბამებოდა. მეორე ტაიმში გამოვედით და ვიცოდით, რომ გოლის გატანა მალევე უნდა გვეცადა და ეს მოვახერხეთ კიდეც."
"როცა ისინი 10 ფეხბურთელით დარჩნენ, უკან უფრო მეტად დაიხიეს და გოლის გატანა გაგვიჭირდა, რადგან ჩვენი უკანასკნელი პასი ან ჩაწოდება მიზანს არ აღწევდა. დღეს შესაძლებლობები ხელიდან გავუშვით."
"მათ იცოდნენ, რომ ფეხბურთელის გაძევების შემდეგ კაცნაკლული უნდა დაეცვათ თავი და ხანდახან ეს ყველაფერს ართულებს. სამწუხარო იყო, მათი გოლი ჯარიმიდან გავიდა კუთხურებიდანაც ქმნიდნენ ხიფათს. ჩვენ საკუთარ თავს უნდა დავყრდნობოდით და შესვენების შემდეგ გოლი გაგვეტანა, მაგრამ მეორეს გატანა ვეღარ მოვახერხეთ."
"მათზე ზეწოლას ვახდენდით და ბურთსაც ვფლობდით, მაგრამ გარღვევა ვეღარ მოვახერხეთ. ახლა სწორედ ამის შედეგს ვიღებთ. მნიშვნელოვანია, რომ არ დავმარცხდით, მაგრამ გვჯეროდა, რომ გამარჯვებისთვის საკმარისი გავაკეთეთ. სამი ქულა უნდა აგვეღო, ამიტომ იმედგაცრუებულნი და დამწუხრებულნი ვართ."