ლუი ვან გაალი იმედგაცრუებული დარჩა იმით, რომ მისმა გუნდმა პოზიციური უპირატესობა სამ ქულად ვერ აქცია და "ასტონ ვილამ" კაცნაკლული თამაშის ფონზეც კი შეინარჩუნა ერთი ქულა.
"როცა უკეთესი გუნდი ხარ, უნდა მოიგო. პირველ ნახევარში აგრესიის ნაკლებობას განვიცდიდით, ვფიქრობ, ამჯერად გაცილებით უკეთესები ვიყავით. ბურთს ძალიან დიდხანს ვინარჩუნებდით, მაგრამ მისით ბევრი არაფერი გაგვიკეთებია. პირველ ნახევარში ცოტა მომენტი შევქმენით."
"აგრესიის ნაკლებობის გამო 1-0 ვმარცხდებოდით და შემდეგ თამაშის ხედვა შევცვალეთ. გამარჯვებისთვის ყველაფერი გავაკეთეთ, მაგრამ ეს რთულია. ისიც უნდა ვაღიარო, რომ "ასტონ ვილა" კარგად თამაშობდა."
"კერიკთან ერთად თავდამსხმელებს უფრო მეტი პასი მიეწოდებათ და სწორედ ამიტომ შევცვალე დარენი ბლეკეტით, ხოლო მაიკლი ნახევარდაცვაში გადავიყვანე, მაგრამ უფრო მეტი ფეხბურთელის შეცვლა უნდა შემძლებოდა, რადგან ვფიქრობ, ეს პირველი შემთხვევა იყო, როცა აგრესია დაგვაკლდა."
"ფალკაომ შესანიშნავი გოლი გაიტანა და ძალიან ბედნიერი ვარ, რადგან მას ეს სჭირდებოდა, თუმცა მე "მანჩესტერ იუნაიტედის" გოლი ყოველთვის მახარებს."