შეგიძლიათ ვიქტორ ვალდესთან დაკავშირებული სიტუაცია დააკომენტაროთ? ძალიან ბევრი საუბრებია იმის...
საუბრობენ მხოლოდ ჟურნალისტები. ჩვენ არაფერი გვითქვამს, ვიქტორს არაფერი უთქვამს, მხოლოდ პრესა განიხილავს ამ საკითხს. აქ იმისთვის არ ვარ, რომ ჟურნალისტებს მსგავსი ინფორმაცია მივაწოდო. მხოლოდ უნდა მოიცადოთ.
უბრალოდ მინდოდა მეკითხა "ლივერპულს" ხომ არ გამოუჩენია ინტერესი...
მაშინ ლივერპულში გაემგზავრეთ. რაღაც წინასწარმეტყველებს აგებთ და ეს დიდი შეცდომაა ჟურნალისტისთვის. სწორედ ამიტომ ვბრაზდები ყოველთვის! თქვენ რაღაც ისტორიებს იგონებთ, რაც მოვლენათა რეალურ მდგომარეობას არ შეესაბამება. ვიქტორი ჩვენთან ერთად ვარჯიშობს, ეს მე შევთავაზე. შემდეგში - ვნახოთ.
არის რამე სიახლე დე ხეას კონტრაქტის შესახებ?
რომ იყოს გეცოდინებოდათ. ინფორმაცია პირველ რიგში ჩვენი კლუბის ოფიციალურ ტელევიზიაში ჩნდება. ეს გესმით? ეს ხომ ლოგიკურია.
რადამელ ფალკაომ განაცხადა, რომ "მანჩესტერ იუნაიტედში" დარჩენა სურს. მისცემთ შანსს თავის გამოჩენისთვის?
ამ სეზონში არც თუ ბევრი მატჩი ჩაატარა. ცოტასაც ვარჯიშობდა. რადამელი სეზონის უმეტეს ნაწილში ტრავმირებული იყო. პირველ ყოვლისა ფორმაში უნდა დაბრუნდეს. სამი კვირის თუ დაახლოებით ასეთი დროის წინ ვთქვი, რომ ფეხბურთელისადმი ჩემი ნომერ პირველი მოთხოვნა მისი ფიზიკური მომზადებაა. მოვიცადოთ, სანამ რადამელი თამაშისთვის მზად იქნება. ვარჯიშებზე ახლა ის ფიზიკური მომზადების კარგ დონეს აჩვენებს, ამიტომ შეიძლება სკამზე დავტოვო ან სასტარტოში შევიყავნო. ვნახოთ.