ხავიერ ერნანდესის აგენტი აცხადებს, რომ მისი კლიენტი იანვარში კლუბს არ გამოიცვლის.
მექსიკელი ფორვარდი ჩემპიონთა ლიგის მოქმედი გამარჯვებულების რიგებში იჯარის წესით თამაშობს, მაგრამ სეზონის განმავლობაში მან მხოლოდ ოთხი მატჩი ჩაატარა სასტარტო შემადგენლობაში, რომელთაგან მხოლოდ ერთი იყო ლა ლიგაში.
ამის შედეგად გავრცელდა ხმები, თითქოს ხავიერი კლუბს ზამთარშივე დატოვებდა, მაგრამ მისმა აგენტმა, ფერნანდო ერნანდესმა ჭორები უარყო.
"ხანდახან მედია სპეკულაციებს ავრცელებს და სიტუაციას აჭარბებს, მაგრამ ის იანვარში კლუბს არ დატოვებს."
"მას მეტი სათამაშო დრო სჭირდება, მაგრამ ესმის, რომ ბევრი შრომის შედეგად ამას მიაღწევს. მისი მომავალი მის ხელთაა."
"რეალს" უამრავი დიდებული ფეხბურთელი ჰყავს და აქ თავის დამკვიდრება რთულია, მაგრამ მას თავდაუზოგავი შრომა სჩვევია და ეს მისი დამახასიათებელი ნიშანი პირველივე დღიდან გახლდათ."
"თუ "რეალი" მის შეძენას არ გადაწყვეტს, ამას მხოლოდ სეზონის ბოლოს გვაცნობებს."
"ნებისმიერ შემთხვევაში, "მანჩესტერ იუნაიტედთან" განვიხილავთ ჩიჩარიტოსთან დაკავშირებულ მომავალს."