"მანჩესტერ იუნაიტედის" ყოფილი ფეხბურთელი, ოლე გუნარ სოლსკიაერი თვლის, რომ ვან გაალს აქვს ის პიროვნული სიძლიერე, რაც "მანჩესტერ იუნაიტედს" სჭირდება.

ლუი ვან გაალმა დევიდ მოიესი ჩაანაცვლა და მისი გუნდი ამჟამად პრემიერ ლიგის ცხრილის მესამე ადგილზე იმყოფება, რაც სხვა წარმატებასთან ერთად ზედიზედ ექვსჯერ მოპოვებული გამარჯვების შედეგია.

სოლსკიაერი, რომელმაც "ოლდ ტრაფორდზე" გატარებული 11 წლის განმავლობაში 6 ტიტული მოიგო, თვლის, რომ ვან გაალი "იუნაიტედის" მთავარი მწვრთნელის პოსტზე ზედგამოჭრილი პიროვნებაა.

"ის არის სუფთა ჰაერი, რომელიც ფეხბურთელებსა და გულშემატკივრებს სჭირდებოდათ."

"თქვენც ნახეთ, რომ ის ტიტულის მოგებაზე საუბრობს. ვფიქრობ, სწორედ ეს არის "იუნაიტედის" მენტალიტეტი."

"არ უნდა ვლაპარაკობდეთ სამეულში ან ოთხეულში ყოფნაზე. ჩვენ ტიტულის მოგებაზე უნდა ვსაუბრობდეთ."

"ძალიან დიდი ხანი მაქვს "იუნაიტედში" გატარებული იმისთვის, რომ ვთქვა "იუნაიტედს" ტიტულის მოგება არ შეუძლია."

"ყველაფერი აპრილში ან მარტში წყდება."

წყარო: goal.com