"მანჩესტერ იუნაიტედის" ნახევარმცველს, მაიკლ კერიკს იმედი აქვს, რომ დაცვაში მისი როლი მუდმივ სახეს არ მიიღებს.
მიმდინარე სეზონში "წითელი ეშმაკების" რიგებში გამოცდილი მცველის არ არსებობის შესახებ მრავალი რამ ითქვა. ტრავმების სიმრავლის გამო ლუი ვან გაალი იძულებული გახდა დაცვის ხაზში 33 წლის მაიკლი გაემწესებინა, რასაც კერიკმა ბრწყინვალედ გაართვა თავი.
მაიკლი მოხარულია გუნდის დახმარებით, როცა მას ეს დასჭირდება, მაგრამ სურს, ისევ ნახევარმცველად ითამაშოს.
"მიხდება მორგება, რადგან ბოლო კვირების მოვლენები ასე განვითარდა. შესაძლოა, ტრავმებთან დაკავშირებული მდგომარეობა გამოსწორდეს და ჩვენი შემადგენლობა პოზიციების დაჭერის მხრივ უფრო სტაბილური გახდეს."
"თუმცა ტრავმებისთვის ყოველთვის მზად უნდა იყო. მიმდინარე სეზონში მრავალჯერ მოგვიხდა ასეთ მდგომარეობასთან შეგუება და რაც უფრო შორს მიდის, მით უფრო ადვილია."
"საკუთარ თავს ნახევარდაცვაში ვხედავ და იმედი მაქვს, ასეც იქნება. ხანდახან შემიძლია დაცვაში ვითამაშო, ისე, როგორც ბოლო წლების განმავლობაში, მაგრამ ნახევარდაცვაში იმდენად დიდი ხანია ვთამაშობ, რომ საკუთარ თავს სხვაგან ვეღარ ვხედავ." - განაცხადა კერიკმა.