"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რომ ახალგაზრდებთან თავისი კლუბის მუშაობით კმაყოფილია.
მიმდინარე სეზონის სტარტზე ვან გაალს პირადი გულშემატკივარიც კი აკრიტიკებდა იმის გამო, რომ მან დენი უელბეკი გაყიდა - ის "იუნაიტედის" აღზრდილი უკანასკნელი ფეხბურთელი იყო, რომელიც პირველ გუნდში ირიცხებოდა.
თუმცა პედი მაკნეირმა, ტომ ტორპმა და ტაილერ ბლეკეტმა სწორედ ვან გაალის ხელმძღვანელობის ქვეშ მოახერხეს პრემიერ ლიგაში სადებიუტო მატჩის ჩატარება. ხოლო გასულ მატჩში ვან გაალმა ჯეიმს უილსონი თავად რადამელ ფალკაოს ამჯობინა და სწორედ ახალგაზრდა ფეხბურთელი დააყენა სასტარტო შემადგენლობაში.
"აკადემიამ პირველ გუნდს ნიჭიერი ფეხბურთელები უნდა შესძინოს, რადგან სწორედ ამ მიზნით ხდება საკუთარი ფეხბურთელების აღზრდა. იმედი მაქვს, მე, როგორც მწვრთნელი, ამისგან მაქსიმალურ სარგებელს მივიღებ."
"ვფიქრობ, "მანჩესტერ იუნაიტედში" ჩვენ დავამტკიცეთ, რომ ახალგაზრდების იმედი გვაქვს და მათ თავის გამოჩენის შანსს ვაძლევთ." - განაცხადა ვან გაალმა.