ანდერ ერერა ასოციაციის თასის გათამაშებაში პირველად მიიღებს მონაწილეობას და მისი გუნდი "იოვილ თაუნს" შეხვდება მესამე რაუნდში.

25 წლის ბასკმა თავისი პასებით, ართმევაზე თამაშითა და გოლის გატანის უნარით უკვე დაიმსახურა ქომაგთა სიყვარული. მიუხედავად იმისა, რომ პრემიერ ლიგაში ის თავს კარგად გრძნობს, ასოციაციის თასის გათამაშება მას ქვეყნის საფეხბურთო ტრადიციებთან უფრო ახლოს გაცნობას სთავაზობს, რასაც იგი მოუთმენლად ელოდება.

"ესპანეთის თასისგან განსხვავდება, რადგან უფრო მეტად ჰგავს პლეი-ოფს."

"ესპანეთში ორ მატჩს ვატარებთ, ასე რომ, ვფიქრობ კარგია ერთმატჩიანი დუელის ჩატარება, რადგან თამაშს გაცილებით ემოციურს ხდის. ასე რომ, მომწონს FA Cup-ი და როცა ესპანეთში ვთამაშობდი, მას ყოველთვის ვუყურებდი."

"ძალიან საინტერესო შეჯიბრებაა. ნებისმიერ გუნდს შეუძლია მისი მოგება, რომელიც უკეთესი აღმოჩნდება. ამ შეჯიბრებაზე თამაში მინდა და მისი მოგების დიდი შანსი გვაქვს."

"ვფიქრობ, თამაშის დღეს თითოეულ ქომაგს ექნება ნერვიულობისა და მღელვარების განცდა. ძალიან მნიშვნელოვანი ტურნირია. გასულ წელს "არსენალმა" მოიგო და წელს გვინდა, რომ ჩვენ ვიყოთ ფინალში."

"სავარჯიშო ბაზის კედლებზე მინახავს, თუ რამდენჯერ მოვიგეთ ასოციაციის თასი. "მანჩესტერ იუნაიტედმა" ის სხვა გუნდებთან შედარებით ყველაზე მეტჯერ მოიგო, ზუსტად ისე, როგორც ლიგა. "იუნაიტედისთვის" ძალიან მნიშვნელოვანი ტურნირია, თუმცა ჩვენთვის ყველა ტურნირი მნიშვნელოვანია, რადგან ყველაფრის მოგება გვსურს."

"იოვილთან" გასვლით შეხვედრაში თამაში პირველი მატჩი იქნება ანდერისთვის ასოციაციის თასზე, ხოლო "იუნაიტედისთვის" პირველი მატჩი მიმდინარე სეზონში ამავე ტურნირზე, მაგრამ ანდერი დასკვნების გაკეთებას არ ჩქარობს და პირდაპირ ფინალისკენ არ იხედება, რომელიც მაისში "უემბლიზე" ჩატარდება.

"უემბლიზე" თამაში საოცარი იქნებოდა. თუმცა ყურადღების გადატანა მხოლოდ ამ მატჩზე უნდა მოვახდინოთ, რადგან ფინალამდე ჯერ კიდევ ბევრი მატჩი გვაქვს მოსაგები. მაგრამ ვფიქრობ, რომ ფინალში გასვლის უნარი გვაქვს."

წყარო: manutd.com