"მანჩესტერ იუნაიტედის" თავდამსხმელი, რადამელ ფალკაო აცხადებს, რომ იმედი აქვს "იუნაიტედისგან" კონტრაქტს მიიღებს.
კოლუმბიელი ფორვარდი, რომელიც "იუნაიტედში" მეოთხედ მილიონ ხელფასს იღებს კვირაში, სასტარტო შემადგენლობაში უკანასკნელად 5 ოქტომბერს გამოჩნდა.
თავისი ერთადერთი გოლი კი მან "ევერტონთან" მატჩში გაიტანა.
როგორც ცნობილია, "იუნაიტედს" იჯარის ვადის ამოწურვის შემდეგ რადამელის ტრანსფერის გამოსყიდვის უფლება აქვს და კოლუმბიელი კლუბში დარჩენის სურვილს არ მალავს. "ჩემი ხედვა ასეთია - მინდა კლუბში დავრჩე. მაგრამ ნათელია, რომ სიტუაცია უნდა გავაანალიზო და ვნახო, მოვახერხებ თუ არა დიდი ხნით თამაშს და რა გადაწყვეტილებას მიიღებს ხელმძღვანელობა. ჩემი ხედვა კი მართლაც ასეთია - მე ნამდვილად მინდა დარჩენა."
"თითოეულ ფეხბურთელს სურს თამაში. არავინ არის ბედნიერი, როცა ის არ თამაშობს, როცა მოედანზე ვერ გადის. თუმცა რამდენად იშვიათადაც არ უნდა ვთამაშობდე - 5, 10, 20, 90 წუთი, ნებისმიერ შემთხვევაში ბოლომდე უნდა დავიხარჯო."
"ჩვენ ძალიან კარგი თავდამსხმელების ჯგუფი გვყავს და ეს ყველასთვის კარგია. ეს ნიშნავს, რომ ჩვენ შორის მაღალი, ჯანსაღი კონკურენციაა და მე რა თქმა უნდა მახარებს გუნდის წარმატება."
"ჩვენ - მე და მწვრთნელი, დიდხანს ვსაუბრობთ. მის ფილოსოფიას პატივს ვცემ. მე ტრავმა მქონდა და ვალდებული ვარ მოვითმინო, სანამ თამაშს მოვახერხებ. მზად ვარ გუნდს მაშინ დავეხმარო, როცა მას ჩემი დახმარება დასჭირდება. ნებისმიერ დროს, როცა შანსს ვიღებ, ვცდილობ ბოლომდე დავიხარჯო მწვრთნელისა და გუნდისთვის." - განაცხადა ფალკაომ.