მანჩესტერ იუნაიტედის ინგლისელი ცენტრალური მცველი, ფილ ჯონსი იმედოვნებს, რომ მის კარიერაში ტრავმებს უკან მოიტოვებს და სტაბილურად თამაშს განაგრძობს, რათა პირველ გუნდში ადგილის დასამკვიდრებლად იბრძოლოს. ახალგაზრდა მცველს უკვე ჩამოუყალიბდა ტრავმისამდი მიდრეკილის რეპუტაცია. ბოლოს, მან ლივერპულის წინააღმდეგ, გასულ კვირას ითამაშა. ეს იყო მისი დაბრუნება და პირველი მატჩი ტრავმის შემდეგ. საერთოდაც პრემიერ ლიგაში მან მეხუთე მატჩი ჩაატარა, ეს კი იმაზე მეტყველებს თუ რამდენად ხშირად იღებს ის ტრავმას.

"წინა სასეზონო ტურნეზე თავს კარგად ვგძნობდი, ვვარჯიშობდი და მატჩებშიც ვიღებდი მონაწილეობას" - განაცხადა ჯონსმა.

"სეზონის დასაწყისში, ნაკრების ერთ-ერთ შეხვედრაზე დავშავდი, შემდეგ დავბრუნდი, მაგრამ ისევ ტრავმა მივიღე. არასდროს იცი წინასწარ რა მოხდება, ასეა ჩემი ტრავმების შემთხვევაშიც. მე ვარჯიშზე მივდივარ იმ მიზნით, რომ ვივარჯიშო და წინასწარ არ ვფიქრობ იმაზე, რომ შესაძლოა ვარჯიშზე დავშავდე."

"ამ სეზონში გუნდში ტრავმიანობა აშკარად შეინიშნება. ბევრს ვვარჯიშობ და სხვადასხვა ვარჯიშებს მივმართავ, რათა ფორმა შევინარჩუნო, უფრო ძლიერი გავხდე და ტრავმებისადმი მიდრეკილება შევამცირო. ყველაფერს ვაკეთებ იმისთვის, რომ ჩემი თამაში გავაუმჯობესო"

ბლექბერნიდან იუნაიტედში გადმოსვლის შემდეგ, მან ბევჯერ მიიღო ტრავმა, მაგრამ ის მაინც რჩება იუნაიტედის იმედისმომცემ ფეხბურთელად, რადგან მას ამისთვის ყველაფერი აქვს.

და ბოლოს, ჯონსმა დაამატა, რომ ხშირი ტრავმიანობა ძალიან ცუდად აისახება დაცვის ხაზზე, რადგან ამ პოზიციაზე ფეხბურთელების მუდმივი ცვლილების გამო, ერთმანეთთან შეთანხმებული თამაშის შესაძლებლობა ძალიან მცირეა, რადგან ყველა მატჩში თითქმის სხვადასხვა ფეხბურთელებს ვაწყდებით დაცვის ხაზზე.

წყარო: Skysports