ჰოლანდიის დედაქალაქ ამსტერდამში გალა დაჯილდოვება შედგა, სადაც რამდენიმე ნომინაციაში ჰოლანდიელ ფეხბურთელებს აჯილდოვებდნენ. ჯილდოს გარეშე არ დარჩენილა, მანჩესტერ იუნაიტედის ჰოლანდიელი თავდამსხმელი, რობინ ვან პერსი, რომელმაც ჯილდო 2014 წლის საუკეთესო გოლის ავტორისთვის მიიღო. ალბათ ყველას გვახსოვს ჰოლანდიელის ბრწყინვალე გოლი, 2014 წლის მსოფლიო ჩემპიონატზე, რომელიც მან ესპანეთის ნაკრებს გაუტანა. "ჰოლანდიელები" მინიმალური ანგარიშით მარცხდებოდნენ, როდესაც დეილი ბლინდის ჩაწოდების შემდეგ, ვან პერსიმ ბრწყინვალე ნახტომში ანგარიში გაათანაბრა, საბოლოოდ მატჩი "ჰოლანდიელების" სასარგებლოდ 5-1 დასრულდა.

ასევე ჯილდოს გარეშე არ დარჩენილა, "ჰოლანდიის" ნაკრების ყოფილი და "მანჩესტერ იუნაიტედის" ამჟამინდელი მთავარი მწვრთნელი, ლუი ვან გაალი. იგი "ტიტების" ქვეყანაში 2014 წლის საუკეთესო მწვრთნელად აღიარეს და ჯილდოც, სწორედ ამ ნომინაციაში გადასცეს. მართლაც, რომ უკონკურენტო გახლდათ ლუი ამ ნომინაციაში, რადგან მან ბრაზილიაში გამართულ მსოფლიო ჩემპიონატზე, ახალგაზრდა ჰოლანდიელების ხარჯზე მესამე ადგილი დაიკავა და თავის ქვეყანას საპატიო მესამე ადგილი მოაპვებინა. მოუგო რა ისეთ ნაკრებებს, როგორებიც: ესპანეთი(5-1), ავსტრალია(3-2), ჩილე(2-0), მექსიკა(2-1) არიან. სამწუხარო მარცხი იწვნიეს ნახევარფინალში არგენტინელების წინააღმდეგ, პენალტების სერიაში, ხოლო მესამე ადგილისთვის ბრწოლაში კი მასპინძელი ქვეყანა, ბრაზილია, იოლად 3-0 დაამარცხეს.

აქვე იმასაც გეტყვით, რომ 2014 წლის საუკეთესო სპორტსმენის წოდება, "მიუნხენის ბაიერნისა" და "ჰოლანდიის" ნაკრების ნახევარმცველ, არიენ რობენს ერგო.