"მანჩესტერ იუნაიტედის" ვარსკვლავები მანჩესტერის სამეფო საბავშვო საავადმყოფოსა და The Christie-ს ეწვივნენ, რათა პაციენტებისთვის საჩუქრები გადაეცათ.

"იუნაიტედის" ფეხბურთელები ორ ჯგუფად გაიყვნენ და ორივე საავადმყოფოში ასობით ჩანთა მიიტანეს, რომლებიც საჩუქრებით იყო დახუნძლული.

აქცია "მანჩესტერ იუნაიტედის ფონდის" მიერ ყოველწლიურად ეწყობა და მასში მონაწილეობას იღებენ როგორც ახალგაზრდა ფეხბურთელები, ისე პირველი გუნდის წევრები.



ხუან მატა "იუნაიტედში" გადასვლის შემდეგ პირველად ეწვია საბავშვო ჰოსპიტალს და ვიზიტით მოხარული დარჩა.

"ვფიქრობ, ჩვენთვის კარგია აქ მოსვლა და ბავშვების გაბედნიერება. მათ ახლა რთული პერიოდი აქვთ, მაგრამ იმედი მაქვს მათ სახეებს მცირე ხნით მაინც მოვფენთ ღიმილს."

"თითოეული ადამიანი, ვინც აქ მუშაობს საოცარია: ისინი ბავშვებს ასეთ რთულ მომენტში ეხმარებიან და ეს არის ის, რასაც მუდამ ვაფასებდი" - განაცხადა მატამ.





"წითლების" ქომაგი, 23 წლის ადამ ლოველი "ლივერპულისა" და "მანჩესტერ იუნაიტედის" საკვირაო მატჩს დაესწრო, რის შემდეგაც კიბოს სამკურნალოდ საავადმყოფოში ორ კვირიანი მკურნალობის ჩასატარებლად დაწვა. ის ერთ-ერთი იყო იმ პაციენტთა შორის, რომელთაც საყვარელი ფეხბურთელი იხილეს.





"ჯეიმს უილსონს "ლივერპულთან" მატჩზე და იმაზე ვესაუბრე, თუ რამდენად მოხარული ვარ მისი ასეთ ახალგაზრდულ ასაკში გამოჩენის გამო. დიდი გამოცდილება იყო ჩემთვის ჯეიმსსა და სხვა ფეხბურთელებთან შეხვედრა და საუბარი" - განაცხადა ადამმა.



საჩუქრები მიიტანა კაპიტანმაც, უეინ რუნიმ, რომელსაც მარუან ფელაინი და მაიკლ კერიკი შეუერთდნენ.





"როგორც ადამიანმა და როგორც მშობელმა, ვიცი, რომ ძალიან მნიშვნელოვანია შობის დროს სიხარულის მიგვრა ადამიანებისთვის. ვნახეთ, რამდენად ბედნიერს ხდის პაციენტებს ჩვენი ვიზიტი და გვინდა მათ ასეთ რთულ პერიოდში სიხარულის მიზეზი მივცეთ. თუმცა არა მარტო მათ, არამედ პაციენტების ოჯახებსაც" - განაცხადა რუნიმ.



თანაგუნდელებს არც სხვა ფეხბურთელები ჩამორჩნენ და გულშემატკივრების გულები მათაც გაახარეს.







წყარო: manutd.com