ნორვეგიელი ფორვარდი საუცხოო ნიჭით იყო დაჯილდოებული, მას გოლის გატანის საოცარი ალღო ჰქონდა და იტანდა ძალიან მნიშვნელოვან გოლებს, რითაც დაიმსახურა კიდეც გულშემატკივართა სიყვარული. ოლე გუნარისთვის უილსონი უცხო ფიგურა ნამდვილად არ არის, ის ახალგაზრდა ინგლისელის თამაშს ჯერ კიდევ მაშინ ადევნებდა თვალს, როდესაც სარეზერვო გუნდს თავკაცობდა, თუმცა მაშინ ჯეიმსი სულ რაღაც 16-წლის იყო.

ჯეიმსს სულ ახლახანს შეუსრულდა 19 წელი, თუმცა უკვე არაერთხელ მოხვდა დიდი გუნდის ძირითად შემადგენლობაში და ერთ-ერთი ასეთი შემთხვევა საკვირაო შეხვედრაა, "ლივერპულის" წინააღმდეგ. ახალგაზრდა ფორვარდს, რომელმაც სადებიუტო შეხვედრაში 2 გოლი გაუტანა "ჰალ სიტის", სულშერის აზრით დიდი მომავალი აქვს და შეუძლია გახდეს "იუნაიტედის" წამყვანი ფიგურა.

"მე არასდროს მივარჯიშებია ჯეიმსი, როდესაც სარეზერვო გუნდის მთავარი მწვრთნელი ვიყავი, თუმცა მის თამაშს თვალს ვადევნებდი. მე 1993 წელს დაბადებულ მოთამაშეებთან მქონდა ძირითადად ურთიერთობა მაგალითად: პოლ პოგბა და რაიან ტანიკლიფი. უილსონი კი მათზე ორი წლით უმცროსია, ამიტომ 18-წლამდე გუნდში უწევდა თამაში.

მას აშკარად დიდი პოტენციალი აქვს. შეუძლია მომენტის დაგვირგვინება, ასევე აქვს კარგი ალღო და თუ ის ჯანმრთელად იქნება აუცილებლად განვითარდება.

როგორც ახალგაზრდა შემტევს, მას უბრალოდ ვერ ეყოლება რობინზე უკეთესი დამრიგებელი. ჩემი რჩევა იქნება უბრალოდ უყუროს ჰოლანდიელს და ისწავლოს მისგან, ეს იდეალური იქნება მისთვის."


წყარო: manutd.com