"მანჩესტერ იუნაიტედის" საუკეთესო ბომბარდირმა, რობინ ვან პერსიმ, ერთ-ერთ ყველაზე ცნობად სპორტულ ტელეარხ, Sky Sports-ს, ინტერვიუ მისცა, რომელშიც ჰოლანდიელი გუნდის ცუდ სტარტზე, ფეხბურთში ცვალებადობაზე, რადამელ ფალკაოზე და კიდევ ბევრ საინტერესო თემაზე საუბრობს.

სეზონის სტარტზე გოლის გატანა ძალიან გიჭირდათ. ეს მსოფლიოს ჩემპიონატისგან გამოყოლილი გადაღლილობის ბრალი ხო არ იყო?

შესაძლებელია. მე უკვე მეხუთე საერთაშორისო ჩემპიონატში მივიღე მონაწილეობა - 3 ევროპის ჩემპიონატი და 2 მსოფლიოს პირველობა. მიღებული გამოცდილებიდან, შემიძლია გითხრათ რომ, ასეთი დამღლელი ტურნირების შემდეგ ძალიან ძნელია სეზონის სტარტზე კარგი ფორმის აკრეფა. რთულია, როდესაც ცდილობ, შრომობ, მაგრამ არაფერი გამოგდის და იღბალი შენ მხარეს არ არის. ამიტომ სეზონის სტარტი ჩემთვის ნამდვილად არ იყო ადვილი.

თავისი როლი ვარჯიშებმაც ხომ არ ითამაშეს? ახლა გაცილებით ისინი ინტენსიური, ადრინდელთან შედარებით.

ვფიქრობ, ყველაზე მეტად მე გამიადვილდა. მე ვმუშაობდი ვან გაალთან ერთად ნაკრებში, ამიტომ ვიცოდი მისი ვარჯიშების პროცესის შესახებ. მაქსიმალურად კონცენტრირებული უნდა იყო თითოეულ წამს - ეს ყველაზე მნიშვნელოვანია. მწვრთენლს სურს, რომ ჩვენ სულ ვფიქრობდეთ ფეხბურთზე, ძილის წინაც კი. ეს, რა თქმა უნდა, რთული გამოწვევაა, მაგრამ მე მომწონს ასეთი ცხოვრების წესი. როდესაც გავიგე იმის შესახებ რომ, ლუი ვან გაალი "მანჩესტერ იუნაიტედის" მთავარი მწვრთნელი გახდებოდა, პირველი რაც გავიფიქრე იყო ვარჯიშების ინტენსივობა, ვიცოდი რომ ძალიან რთული იქნებოდა, მაგრამ ეს აუცილებლად მოგვცემდა შედეგს.



"ჩელსისთან" გატანილი გოლი იყო თუ არა გარდამტეხი მომენტი თქვენთვის?

უმნიშვნელოვანესი გოლი იყო და არა მარტო გუნდისთვის, ჩემთვისაც. სულ რამდენიმე თვის წინ რთული პერიოდის გადატანა მომიწია. ცხოვრება - ეს დაცემა და წამოდგომაა, დაცემა და წამოდგომა, ყველაფერი ძალიან სწრაფად ხდება!

"არსენალთან" გამართული მატჩის შემდეგ თქვენ ძალიან ბევრს გაკრიტიკებდნენ, "ის უკვე ძალიან ბებერია, მოაშორეთ მოედნიდან", ახლა კი თქვენ ისევ საუკეთესო ბომბარდირი ხართ...

ხომ ხედავთ ყველაფერი როგორ სწრაფად იცვლება. როდესაც შენ 30 წელს გადასცილდები და ფურცელზე წერია 3-იანი და 0-იანი, ყველა ფიქრობს, რომ არაფრის მაქნისი ხარ. წლების წინ ჩემზე ამბობდნენ: "ის ტრავმებისკენ არის მიდრეკილი" - თუმცა ეს ყველაფერი უკვე წარსულია. თავს ძალიან კარგად ვგრძნობ და არაფერია დაკარგული ამ ასაკში. იმედი მაქვს 8 წელი კიდევ ვითამაშებ, მე წყნარი ცხოვრება მაქვს და ეს მეხმარება საფეხბურთო კარიერაში.

იმის გათვალისწინებით, თუ როგორ თამაშობს "იუნაიტედი" და როგორ თამაშობთ თქვენ, ელით თუ არა გასული წლების საგოლე რეკორდების გაუმჯობესებას?

ყოველ კვირას ყველაფერი იცვლება. ჩვენ უკვე 3 ან 4-ჯერ მოგვიწია სათამაშო სქემის შეცვლა, თუმცა ჯერ კიდევ წინ არის შობა. ყოველთვის მოგებისთვის გავდივართ მოედანზე და მე ეს ძალიან მომწონს.



"მანჩესტერ იუნაიტედის" ქომაგები მოუთმენლად ელიან შემტევი ტრიოს ხილვას: რობინ ვან პერსი, უეინ რუნი და რადამელ ფალკაო. სწუხთ იმის გამო რომ, არ გეძლევათ ერთად თამაშის საშუალება?

რუნისთან ერთად ბოლო 2-2.5 წელი გავატარე და შესანიშნავად ვუგებთ ერთმანეთს. ფალკაოში მომწონს ის რომ, ყოველთვის მონდომებულია ვარჯიშზე და მოედანზეც 100 პროცენტით იხარჯება. მე ვიცი რომ ის საოცარი თავდამსხმელია, თუმცა მას ძალიან არ უმართლებს. მან ძალიან კარგად ითამაშა, როდესაც მიეცა საშუალება. მან მე ორი საგოლე გადაცემა გამიკეთა და "ევერტონის" კარი თაცადაც აიღო. 12-13 წლის განმავლობაში ბევრი ძალიან კარგი თავდამსხმელების გვერდით მომიწია თამაში და რადამელიც ერთ-ერთი მათგანია. მჯერა მას ყველაფერი გამოუვა.

როდის შეგეძლებათ ამის თქმა: "ჩვენ არამარტო ჩემპიონთა ლიგის საგზურისთვის ვიბრძვით, არამედ ჩემპიონობა გვსურს" ?

საჭიროა დეკემბერში ქულების მაქსიმუმი დავაგროვოთ, ასევე იანვრის დასაწყისიც ძალიან მნიშვნელოვანი ეტაპია. თუ ჩვენ ეს გამოგვივა, თუ თამაშის ხარისხს გამოვასწორებთ, თუკი გავაგრძელებთ მოგებათა სერიას იანვრის ბოლოს ამის თქმა უკვე ნამდვილად შეგვეძლება.


წყარო: carrick.ru