მაიკლ კერიკს სურს, რომ "მანჩესტერ იუნაიტედმა" დავიდ დე ხეას გაცილებით ნაკლები საქმე დაუტოვოს.

ესპანელი მეკარე, რომელიც ოქტომბრისა და ნოემბრის თვის საუკეთესო ფეხბურთელად დასახელდა, "ლივერპულთან" მატჩში საუკეთესო ფეხბურთელად აღიარეს თავისი გასაოცარი სეივების გამო.

"ლივერპულის" წინააღმდეგ მიღწეულ ასეთ შედეგს კვირის ნებისმიერი დღის განმავლობაში მივიღებთ, მაგრამ, ანგარიში მატჩის მთლიან სურათს როდი აღწერს. დავიდმა რამდენიმე საოცარი სეივი განახორციელა და ვფიქრობ ეს ჩვენ მიერ მოწინააღმდეგისთვის ბურთის დათმობის გამო მოხდა."

"ჩვენ თამაშს ვაკონტროლებდით, მაგრამ "ლივერპულს" რომ რამდენიმედან ერთი შანსი მაინც გაეტანა თამაში შეიცვლებოდა. დავიდი სენსაციურად თამაშობდა, ის ისევ მყარად იდგა. იმედი მაქვს მისთვის თამაშს მომდევნო კვირას უფრო გავაიოლებთ."

კერიკი კვირას დაცვის ხაზში თამაშობდა და თავისი პარტნიორები, ჯონი ევანსი და ფილ ჯონსი შეაქო, რომელთაც 21 სექტემბრისა და 20 ოქტომბრის ტრავმიანობის შემდეგ დაბრუნება მოახერხეს - ევანსმა უკვე მეორე მატჩი ჩაატარა.

"ვფიქრობ, ფილიც და ჯონიც კარგად თამაშობდნენ. ასეთი ადვილი არაა, როცა დიდ ხანს ტრავმირებული ხარ. მათ აჩვენეს, რამდენად კარგი ფეხბურთელები არიან და საქმე მეც გამიადვილეს, რადგან ისინი მაღალი დონის მცველები არიან. ნამდვილად დიდებული დღეა, როცა "ლივერპულის" წინააღმდეგ გამოდიხარ."

"ლივერპულის" დამარცხება "იუნაიტედის" ზედიზედ მე-6 გამარჯვებას უდრიდა და "წითლები" პრემიერ ლიგის ცხრილის მესამე ადგილზე გამყარდნენ. კერიკი თვლის, რომ ეს ჯერ კიდევ არ არის გუნდის მაქსიმუმი, მაგრამ სამომავლო წარმატებისთვის პლატფორმას ქმნის.

"ყოველთვის მაღლა ვიხედებით, გვინდა გავუმჯობესდეთ და მწვერვალს მივაღწიოთ. კარგ მდგომარეობაში ვიმყოფებით, მაგრამ ამის შენარჩუნება აუცილებელია. მოგვიანებითაც თუ კი ასეთ მდგომარეობაში ვიქნებით საკუთარ თავს კარგ შანსს შევუქმნით. გვინდა ასე გავაგრძელოთ სვლა და ვნახოთ სადამდე მივალთ."

წყარო: manutd.com