პრემიერლიგის მე-16 ტურის ცენტრალური შეხვედრა "ოლდ ტრაფორდზე" გაიმართა, სადაც "მანჩესტერ იუნაიტედმა" "ლივერპული" მიიღო და გამანადგურებელი სხვაობით დაამარცხა. ანგარიში 11-ე წუთზე გაიხსნა, ანტონიო ვალენსიამ შესანიშნავი გადაცემა გაუკეთა უეინ რუნის, რომელმაც საპირისპირო კუთხეში დაურტყა ჯონსს და ანგარიში გახსნა. მე-40 წუთზე მასპინძლებმა კვლავ შედეგიანი იერიში განახორციელეს, ეშლი იანგმა მარცხენა ფლანგიდან საჯარიმოში ჩააწოდა, საჰაერო ბრძოლა რობინ ვან პერსიმ მოიგო და ცარიელ კართან მყოფ მატას გადააწოდა, რომელმაც თავური დარტყმით ორამდე გაზარდა სხვაობა. აღსანიშნავია, რომ ვან პერსის გადაცემის მომენტში მატა თამაშგარე მდგომარეობაში იმყოფებოდა. 71-ე წუთზე "წითელმა ეშმაკებმა" სწრაფი კონტრშეტევა განახორციელა, დეიან ლოვრენი უხეშად შეცდა და ვან პერსიმ ანგარიში გამანადგურებელი გახადა. "მანჩესტერ იუნაიტედმა" ზედიზედ მეექვსე გამარჯვება მოიპოვა და მე-3 პოზიცია გაიმყარა.
"მანჩესტერ იუნაიტედი" - "ლივერპული" 3-0სტადიონი: “ოლდ ტრაფორდი”
გოლები: 1:0 რუნი (12), 2:0 მატა (40), 3:0 ვან პერსი (71).
გაფრთხილებები: ფელაინი, ჯონსი, ევანსი, რუნი – ალენი, ბალოტელი, ჯერარდი
მსაჯი: მარტინ ატკინსონი
"მანჩესტერ იუნაიტედი": დე ხეა, ჯონსი (მაკნეირი 89), კერიკი, ევანსი, ფელაინი, რუნი (ფალკაო 78), იანგი, ვალენსია, მატა, უილსონი (ერერა 71), ვან პერსი.
მწვრთნელი: ლუი ვან გაალი
"ლივერპული": ჯონსი, ჯონსონი (ტურე 26), შკრტელი, ლოვრენი, ალენი, ჯერარდი, ჰენდერსონი, მორენო (მარკოვიჩი 68), ლალანა (ბალოტელი 46), კოუტინიო, სტერლინგი.
მწვრთნელი: ბრენდან როჯერსი