"წითელი ეშმაკების" ყოფილი თავდამსხმელი ოლე გუნერ სოლსკიაერის აზრით, "ლივერპულის" წინააღმდეგ უეინ რუნის ცენტრალურ ნახევარმცველად თამაშმა მას პოლ სქოულზი გაახსენა.
მას შემდეგ რაც ლუი ვან გაალი "მანჩესტერ იუნაიტედს" ჩაუდგა სათავეში უეინს ხშირად ვხედავთ მოედნის ცენტრში, საკვირაო მატჩში იგი ხუან მატასთან და მარუან ფელაინისთან ერთად ცენტრალური ნახევარმცველთა ტრიო შექმნა.
რუნიმ პირველი გოლი სწორედ მას შემდეგ გაიტანა რაც შეტევას სიღრმიდან დაეხმარა, ასევე ძალიან დიდი დახმარება გაუწია მცველებს.
აი რას ფიქრობს ნორვეგიელი, "იუნაიტედის" კაპიტანზე:
"ვფიქრობ უეინ რუნისთვის ახალი პოზიცია მოვძებნეთ. დღითი დღე ის უფრო მეტად მაგონებს პოლ სქოულზს.
დღეს, 20 წუთის შემდეგ სიტუაცია რადიკალურად შეიცვალა, უეინმა და ხუანმა უკან დაიხიეს, რათა "ლივერპულის" ნხევარმცველებისთვის პრობლემები შეექმნათ. "იუნაიტედს" სჭირდებოდა ფეხბურთელი, რომელიც მოახერხებდა ბურთის დაჭერას და რუნი აღმოჩნდა სწორედ ასეთი."
ოლე გუნერმა ასევე ძალიან მაღალი შეფასება მისცა დავიდ დე ხეას თამაშს:
"კარიერის განმავლობაში რამდენიმე უმაღლესი მეკარის თამაში მინახავს, მაგალითად: პიტერ შმეიხელის და ედვინ ვან დერ საარის, თუმცა ის რაც დღეს ვიხილე არის მეკარის საუკეთესო პერფორმანსი "ოლდ ტრაფორდზე".
"ლივერპულს" 6 თითქმის ას პროცენტიანი მომენტი ჰქონდა და დავიდმა შეძლო ყველა შემთხვევაში ეხსნა გუნდი. დე ხეა თავისი თამაშით მაგონებს დავიდ სიმენსს, ორივე მათგანი არ აკეთებს მოძრაობას უკანასკნელ მომენტამდე და ამიტომ ძალიან რთულია გოლის გატანა. შემტევს კი პირიქით სურს რაც შეიძლება მალე გააკეთოს მეკარემ მოძრაობა, რადგან შეძლოს მისი მოტყუება."