"მანჩესტერ იუნაიტედის" ნახევარმცველმა, ხუან მატამ თავისი თანაგუნდელი შეაქო, რომელმაც კიდევ ერთი საოცარი მატჩი ჩაატარა.
დე ხეა, რომელმაც წინა თვის საუკეთესო ფეხბურთელის პრიზი მოიპოვა თავის გუნდს ზედიზედ მე-6 გამარჯვების მოპოვებაში დაეხმარა.
"ჩვენ სამი გოლი გავიტანეთ, მაგრამ დავიდი ძალიან მნიშვნელოვანი იყო დღეს ჩვენთვის. ძალიან რთულია მასზე უკეთესი მეკარის პოვნა, ის სეზონის დასაწყისიდანვე იმყოფებოდა ტოპ-კლასის მქონე ფეხბურთელების რიგში და ჩვენთვის უამრავი ქულა მოიპოვა. დღეს, ძალიან მნიშვნელოვან მატჩში მან ამის გაკეთება კიდევ ერთხელ შეძლო."
"როცა ისეთი თავდამსხმელები გყავს, როგორებიც უეინ რუნი და რობინ ვან პერსი არიან, მათ შეუძლიათ ნებისმიერი მომენტის გოლად ქცევა. ამჟამად ჩვენ ძალიან ზუსტები ვართ და მომენტებს კარგად ვიყენებთ, თითქმის ყველაფერი ბადეში მიდის! ეს დიდებულია და ჩვენთვის ბრწყინვალე შედეგია."
"როცა ასეთ მატჩზე მოედანზე გადიხარ, გრძნობ, რომ მილიონობით ადამიანი გიყურებს. "იუნაიტედის" ქომაგებისთვის ეს დიდი მატჩია და პირველივე წუთებიდან ამის ჩვენებას ვცდილობდით. ვფიქრობ, დღევანდელი თამაშით ეს ძალიან კარგად მოვახერხეთ."