ვფიქრობ, ყველაზე მნიშვნელოვანი მატჩი მომდევნო შეხვედრაა. დიახ, ჩვენ ზედიზედ მეექვსედ მოვიგეთ. ფანტასტიკაა, მაგრამ თამაშის ჩვენი სტილი სრულყოფილებამდე უნდა მივიყვანოთ. ამის შესახებ თითქმის ყოველ კვირას ვსაუბრობ. მხოლოდ "ქპრ"-სა და "ჰალ სიტისთან" მატჩის შემდეგ ვიყავი კმაყოფილი - მოედანზე 90 წუთის განმავლობაში ვდომინირებდით. დღესაც შეგვეძლო ასეთი თამაშის ჩვენება, მაგრამ ვერ შევძელით. არააუცილებელ სიტუაციაში მოთამაშეები ბურთს მოწინააღმდეგეს აძლევდნენ. მეორე ტაიმში კი მოედანზე ბევრი თავისუფალი ზონა გვქონდა.

თუმცა კმაყოფილები ვართ იმით, რომ "ლივერპული" დავამარცხეთ. ყველა ბედნიერია. ჩემი პოვარი ბედნიერია, ცოლი ბედნიერია, ე.ი. მეც ბედნიერი ვარ.

ჩვენ ვთამაშობთ ფეხბურთს, რომელიც მოწინააღმდეგის ძლიერ მხარეზე ყურადღების მიქცევის საშუალებას გვაძლევს. ჩემი სამწვრთნელო შტაბი ყოველთვის ეძებს მოწინააღმდეგისთვის ზიანის მიყენების საშუალებას. დღესაც გამოგვივიდა. და ის, თუ როგორ გავიტანეთ დღეს გოლები, ადვილი არ არის. დიახ, იღბალი თავის როლს თამაშობს, მაგრამ შეგიძლია გამართლებას აიძულო შენს სასარგებლოდ იმუშავოს და სწორედ ამას ვაკეთებეთ. სეზონის დასაწყისში ეს გვაკლდა.

მარტო არ ვმუშაობ. ბევრი დამხმარე მყავს. ყველანი საერთო მიზნის მიღწევისთვის ვმუშაობთ. ჩემ მოთამაშეებს ჩემი ფილოსოფიის უნდა სჯეროდეთ და სწორედ ამიტომ უნდა იბრძოლონ ბოლომდე. მიუხედვად ამისა, უკეთ თამაში მაინც შეგვიძლია.

როხო? ყველაფერი რიგზე იყო, მაგრამ გუშინდელ ვარჯიშზე ტრავმა მიიღო. დაცვაში ცვლილებების განხორციელება ისევ მომიხდა. ამის კეთება კი ყოველ კვირაში მიხდება. მაგრამ ყველაზე მნიშვნელოვანი ჩვენი ფილოსოფიაა. როცა საკუთარი ფილოსოფიის ერთგული ხარ, მისდევ მის პრინციპებს, თითოეულ ფეხბურთელს სარგებელი მოაქვს. დიდებულია, რომ ეს გამოგვდის, რადგან იმის მიღწევა, რომ მთელი გუნდი ერთ გასაღებს მოერგოს ადვილი არ არის. სიტუაცია იოლდება, როცა თითოეული ფეხბურთელი კარგ ფორმაში იმყოფება და შენ გაქვს კონკრეტული სიტუაციისთვის საუკეთესო ფეხბურთელის არჩევის შესაძლებლობა, მაგრამ ახლა ასეთი შანსი არ მაქვს.

არა, დე ხეას შექებას არ ვერიდები. უბრალოდ, არ მინდა ვინმე ინდივიდუალურად გამოვყო, რადგან მოედანზე ერთ გუნდად გამოვდივართ. მატჩებს იგებს გუნდი და არა ცალკეული ფეხბურთელი. ვერ შევაქებ იმ ფეხბურთელებს, რომელთაც ჩემი აზრით შედეგზე მოახდინეს გავლენა. ჟურნალისტები აქცენტს ყოველთვის სამ-ოთხ ფეხბურთელზე აკეთებენ, მაგრამ დღეს თავი რამდენიმე ფეხბურთელმა წარმოაჩინა. ამიტომ, არასდროს ვამბობ: "აი, ეს ფეხბურთელი დღეს ბრწყინვალე იყო". მხოლოდ ერთხელ ვთქვი: "დავიდმა ფანტასტიური მატჩი ჩაატარა." იმიტომ, რომ მინდა გუნდი შევაქო და არა ცალკეული ფეხბურთელი. ესეც ჩემი ფილოსოფიის ნაწილია.



წყარო: carrick.ru