ლუი ვან გაალმა განაცხადა, რომ მას არ სურდა მარკოს როხოს თამაშით რისკის გაწევა, რომელმაც "ლივერპულთან" მატჩის წინ ტრავმა მიიღო.
არგენტინელი მცველი მანჩესტერულ დერბიში მიღებული მხრის ტრავმის შემდეგ წარმატებით დაუბრუნდა გუნდს, მაგრამ გუშინ კრის სმოლინგს, რაფაელსა და ლუკ შოუს ლაზარეთში შეუერთდა.
"როხომ გუშინ რაღაც იგრძნო და არ მინდოდა რისკი გამეწია. როცა ფეხბურთელს რამე სტკივა, ვეკითხები მათ, სურთ თუ არა თამაში და ამით მორჩა. სწორედ ამიტომ, დღეს ჯონსი ვათამაშე."
შეზღუდული რაოდენობის ფეხბურთელების გამო ლუი ვან გაალმა დაცვის ცენტრალურ ხაზში ჯონი ევანსი, მაიკლ კერიკი და ფილ ჯონსი ათამაშა, რომელიც "ვესტ ბრომვიჩთან" გამართული მატჩის შემდეგ პირველად გამოჩნდა გუნდში.
როცა კერიკის თამაშზე ჰკითხეს, მან უპასუხა: "ვფიქრობ, შესანიშნავი იყო. ვფიქრობ, დღეს მთლიანად ინგლისური დაცვა გვყავდა, მაგრამ ჯონი ევანსის შესახებ უნდა შევასწორო - ეს ბრიტანული დაცვა იყო."
"უნდა გამოვყო რამდენიმე სხვა ფეხბურთელიც, მაგრამ დღეს ჩვენ გუნდურად ვითამაშეთ და შედეგით ყველა კმაყოფილია."