მაიკლ კერიკი ირწმუნება, რომ "მანჩესტერ იუნაიტედს" წარმატების მიღწევა "ოლდ ტრაფორდზე" დაბრუნებული გუნდური სულისა და თავდაჯერებულუბის წყალობით შეუძლია.

"იუნაიტედი" ზედიზედ 5 გამარჯვების შემდეგ მე-3 ადგილზე გადავიდა და იმედოვნებენ, რომ მეექვსე გამარჯვებას "ლივერპულის" წინააღმდეგ მიაღწევენ.

"ადვილი იქნებოდა იმის თქმა, რომ უცებ ღრუბლები გაქრებოდა და ჩვენ აუცილებელ წარმატებას მივაღწევდით, მაგრამ ყველაფერი ასე მარტივად როდია. აუცილებელია თავდადებით ვიმუშავოთ. ბოლო პერიოდში წარმატებულ მატჩებს ვატარებთ, მაგრამ ზოგ შეხვედრაში დიდად გარსჯა მოგვიხდა გამარჯვების მოსაპოვებლად. თუმცა ეს ნორმალურია."

"ჩვენს საუკეთესო სეზონებშიც კი ხდებოდა ისე, რომ ჩემპიონატის მსვლელობისას რთული პერიოდი გვქონდა, მაგრამ ყველაფერს ვუმკლავდებოდით. ახლაც სწორედ ისეთი შეგრძნება მაქვს, როგორც მაშინ - თუ შობის შემდეგ სატურნირო ცხრილის მაღალ საფეხურზე ვიქნებით, წარმატების მიღწევა აუცილებლად იქნება შესაძლებელი.

როცა ჰკითხეს, მონაწილეობს თუ არა "იუნაიტედი" მიმდინარე წელს ჩემპიონთა რბოლაში, კერიკმა უპასუხა:

"წინა ტურში "ჩელსი" "ნიუკასლთან" დამარცხდა, რაც გვაწყობდა. თუ იანვარში გამარჯვებულის სულს შევინარჩუნებთ, ეს აუცილებლად მოახდენს გავლენას საჩემპიონო რბოლაზე."

"ვფიქრობ, ჩვენი გუნდი თანდათან აუმჯობესებს თამაშს, ის ახალად შენდება. ყველაფერი შეიძლება მოხდეს, ჩემპიონობის ბედი ზაფხულში წყდება. ჩვენი მიზანი - ჩემპიონობაა."

წყარო: manutd.com