"ლივერპულის" მთავარი მწვრთნელი ბრენდან როჯერსი მიიჩნევს, რომ მისი გუნდი კვირას, "ოლდ ტრაფორდზე" გამარჯვების მისაღწევად ყველაფერს გააკეთებს.
"წინ მნიშვნელოვანი მატჩი გველოდება. მრავალი მიზეზის გამო, ინგლისში ამ ორი გუნდის დაპირისპირება ყველაზე პრინციპულ მატჩად ითვლება. ბუნებრივია, "იუნაიტედთან" გასულ წელს მიღწეული წარმატების გასამეორებლად მზად ვართ."
"ბოლო წარუმატებელი მატჩების შემდეგ ჩვენთვის მთავარი გოლის გატანაა. ახლა უკვე ყოველი თამაში ჩვენთვის გადამწყვეტია. ახლა უკვე წაგებული მატჩები უნდა დავივიწყოთ. "მანჩესტერ იუნაიტედის" დამარცხების შემდეგ ჩვენი ბედი შეიცვლება და ეს სწორ გზაზე დადგომაში დაგვეხმარება."–განაცხადა როჯერსმა პრესკონფერენციაზე