სტადიონი: "ოლდ ტრაფორდი", მანჩესტერი მონაცემი: ინგლისის პრემიერ ლიგა, მე-16 ტური თარიღი: კვირა, 14 დეკემბერი, 2014 წელი მთავარი მსაჯი: მარტინ ატკინსონი მატჩის დასაწყისი: 17:30, (ჩვენი დროით)
"მანჩესტერ იუნაიტედი"
ტრავმირებულები: ბლინდი, შოუ, დი მარია, სმოლინგი ლინგარდი, ტორპი დისკვალიფიკაცია: არავინ კითხვისნიშნისქვეშ: არავინ განაცხადი: Amos, De Gea, Johnstone, Lindegaard, Blackett, Evans, Jones, McNair, Rafael, Rojo, Vermijl, Anderson, Carrick, Fellaini, Fletcher, Herrera, James, Januzaj, Lingard, Mata, Valencia, Young, Falcao, W Keane, Rooney, Van Persie, Wilson. ანხელ დი მარია "ლივერპულთან" მატჩს ტრავმის გამო გამოტოვებს, რაც ლუი ვან გაალმა დაადასტურა. სამაგიეროდ გუნდს უბრუნდებიან მცველები, ფილ ჯონსი და რაფაელი, რომლებმაც ასევე მოიშუშეს ტრავმა.
"ლივერპული"
ტრავმირებულები: ფლენეგანი, დე ლა ტორე, სტარიჯი დისკვალიფიკაცია: არავინ კითხვისნიშნისქვეშ: კ. ტურე განაცხადი: Mignolet, Johnson, Lovren, Skrtel, Moreno, Lucas, Henderson, Lallana, Gerrard, Sterling, Lambert, Jones, Manquillo, Enrique, Toure, Can, Coutinho, Allen, Markovic, Balotelli, Borini..
მარიო ბალოტელი ტრავმის მოშუშების შემდეგ ვარჯიშებს დაუბრუნდა და სავარაუდოდ კვირას გასამართ შეხვედრაში მონაწილეობას მიიღებს. როჯერსი იმედოვნებს, რომ გუნდის დახმარებას ადამ ლალანაც შეძლებს, რომელსაც ერთი კვირის წინ სერიოზული ტრავმა აღმოუჩინეს.
"მანჩესტერ იუნაიტედი"
მე-3 ადგილი, 28 ქულა
ბოლო ექვსი შეხვედრა: წ-მ-მ-მ-მ-მ
"მანჩესტერ იუნაიტედმა" პრემიერ ლიგის ბოლო 9 შეხვედრიდან მხოლოდ 1 წააგო - 6 მოგება, 2 ფრე, 1 მარცხი.
"წითელი ეშმაკები" საშინაო არენაზე პირველი ტურის შემდეგ არ დამარცხებულან.
კლუბიდან სერ ალექს ფერგიუსონის წასვლის შემდეგ "წითელმა ეშმაკებმა" პირველად მოიპოვეს ზედიზედ 5 გამარჯვება.
გასული წლის ამავე ეტაპის მაჩვენებელთან შედარებით "წითელმა ეშმაკებმა" 6 ქულით მეტი დააგროვეს და 6 ადგილით მაღლა იმყოფებიან.
"საუთჰემპტონთან" მატჩში "იუნაიტედმა" კარის მიმართულებით მხოლოდ სამი დარტყმა განახორციელა, რაც 2003 წლის (რაც opta სტატისტიკას ითვლის) შემდეგ ყველაზე ცუდი მაჩვენებელია.
"მანჩესტერ იუნაიტედმა" მიმდინარე სეზონში საჯარიმოს ფარგლებს გარედან პრემიერ ლიგის გუნდებს შორის ყველაზე მეტი გოლი გაიტანა - 7 გოლი.
"ლივერპული"
მე-12 ადგილი, 21 ქულა
ბოლო ექვსი შეხვედრა: წ-წ-წ-მ-მ-ფ
"ლივერპულის" მიერ ამ ეტაპზე დაგროვილი 21 ქულა კლუბის არსებობის ისტორიაში მეოთხე ცუდი მაჩვენებელი - 1992/03, 2010/11 და 2012/13 წლებში გუნდს 19 ქულა ჰქონდა ამავე ეტაპზე.
გასული სეზონის ამავე პერიოდთან შედარებით, ბრენდან როჯერსის გუნდი სატურნირო ცხრილში 7 ადგილით დაქვეითდა, 9 ქულით ნაკლები დააგროვა და 15 გოლით ნაკლები გაიტანა. ამჟამად ისინი ლიდერს 15 ქულით ჩამორჩებიან, როცა გასულ წელს ეს მაჩვენებელი ოთხს უტოლდებოდა.
"ლივერპულმა" 7 გასვლით შეხვედრაში 13 გოლი გაუშვა, რაც საშუალოდ ერთ თამაშში 1,87 გოლს უდრის - მხოლოდ "ქპრ"-ს აქვს ეს მაჩვენებელი უარესი.
"ლივერპულმა" მიმდინარე სეზონის 4 შეხვედრაში ვერ მოახერხა გოლის გატანა - ეს ერთი მატჩით მეტია, ვიდრე გასულ წელს მთელი სეზონის განმავლობაში.
მოთამაშეების შესახებ ცნობები და პოტენციური რეკორდები
"მანჩესტერ იუნაიტედი"
წამყვანი ბომბარდირი: ვან პერსი - 6 გოლი.
რობინ ვან პერსის "ლივერპულის" წინააღმდეგ ჩატარებულ უკანასკნელ 9 შეხვედრაში 6 გოლი აქვს გატანილი.
ხუან მატას მიმდინარე სეზონში პრემიერ ლიგაში მხოლოდ 5 დარტყმა აქვს განხორციელებული მეტოქის კარის მიმართულებით და მათგან 4 გოლად აქცია.
"ლივერპული"
წამყვანი ბომბარდირი: ჯერარდი - 5 გოლი (3 ლიგაში).
სტივენ ჯერარდს "ოლდ ტრაფორდზე" ჩატარებულ შეხვედრაში პრემიერ ლიგის ეგიდით სტუმრად ჩასული გუნდის ფეხბურთელთა შორის ყველაზე მეტი გოლის აქვს გატანილი - 5 გოლი.
"ოლდ ტრაფორდზე" ჩატარებულ ერთადერთ შეხვედრაში მარიო ბალოტელიმ დუბლის გაფორმება მოახერხა 2011 წელს, როცა "სიტიმ" "იუნაიტედი" 6-1 დაამარცხა.
იმ ფეხბურთელებს შორის, რომელთაც პრემიერ ლიგაში მიმდინარე სეზონში ჯერ არც ერთი გოლი არ გაუტანიათ, მარიო ბალოტელი კარში დარტყმების მხრივ რეკორდსმენია - 35 დარტყმა (ითვლება დაბლოკილი დარტმებიც).
ურთიერთშეხვედრები
გუნდები ერთმანეთს ყველა ტურნირის ეგიდით 190-ჯერ შეხვდნენ. "მანჩესტერ იუნაიტედმა" გამარჯვება 78-ჯერ იზეიმა, "ლივერპულმა" 64-ჯერ, ხოლო 51 შეხვედრა ფრედ დასრულდა.
"ოლდ ტრაფორდზე" "ლივერპულის" წინააღმდეგ გამართული უკანასკნელი 12 შეხვედრიდან "მანჩესტერ იუნაიტედს" 10 გამარჯვება აქვს მოპოვებული.
უკანასკნელი 28 შეხვედრიდან "ლივერპულსა" და "მანჩესტერ იუნაიტედს" შორის მატჩში მხოლოდ 2-ჯერ დაფიქსირდა ფრე. უკანასკნელად ასეთი შემთხვევა 2000 წელს "ოლდ ტრაფორდზე" მოხდა.
მხოლოდ "ჩელსი" იმარჯვებდა (6) "ოლდ ტრაფორდზე" უფრო ხშირად, ვიდრე "ლივერპული" (5).
პრემიერ ლიგის ეგიდით გამართულ შეხვედრებში "მანჩესტერ იუნაიტედსა" და "ლივერპულს" შორის მატჩში სულ 15 წითელი ბარათია ნაჩვენები. პრემიერ ლიგის არსებობის განმავლობაში უფრო მეტი გაძევება მხოლოდ მერსეისაიდულ დერბიში მომხდარა - 20.