"მანჩესტერ იუნაიტედის" მცველს, ჯონი ევანსს მიაჩნია, რომ მისი კლუბის 5 მატჩიანი გამარჯვებების სერია მომდევნო დაპირისპირებაზე გავლენას არ მოახდენს.

"იუნაიტედმა" ზედიზედ ხუთი გამარჯვება მოიპოვა "კრისტალ პალასის", "არსენალის", "ჰალ სიტის", "სტოკ სიტისა" და "საუთჰემპტონის" წინააღმდეგ მატჩებში, ხოლო "ლივერპული" ცუდად გამოიყურება მიმდინარე სეზონში როგორც პრემიერ ლიგაში, ისე ევროარენაზე, რაც "ბაზელთან" გამართულმა შეხვედრამაც დაამტკიცა, რომლის საშუალებით ბრენდან როჯერსის გუნდი ევროპის ლიგაზე საგზურს დასჯერდა,

ყოველივე ზემოაღნიშნულის საფუძველზე ლუი ვან გაალის შეგირდები მომდევნო მატჩში ფავორიტებად მიიჩნევიან, თუმცა ევანსს მიაჩნია, რომ ეს გადამწვყვეტ როლს არ თამაშობს.

"თუ მატჩების შედეგებს შევადარებთ, ჩვენ "ლივერპულზე" უკეთეს ფორმაში ვიმყოფებით, მაგრამ ასეთ მატჩებში გუნდების ფორმა არავითარ როლს არ თამაშობს. ნებისმიერი რამ შეიძლება მოხდეს. წელს "ლივერპულის" ცოტა მატჩი მინახავს, მაგრამ "ბაზელთან" მათ დაპირისპირებას ვუყურე."

"ნათელია, რომ ისინი მთელი მატჩის განმავლობაში ფსიქოლოგიურ პრობლემას განიცდიდნენ. გუნდში აღარ არის ლუის სუარესი, მაგრამ მათ ჯერ კიდევ ჰყავთ შესანიშნავი ფეხბურთელები, რომელთაც მოედანზე სასწაულების ჩადენა შეუძლიათ, ამიტომ ფრთხილად უნდა ვიყოთ"

წყარო: manutd.com