როცა "ლივერპული" "ოლდ ტრაფორდს" უკანასკნელად ეწვია მათ დომინირებადი ფეხბურთის ნამდვილი მაგალითი აჩვენეს, რასაც გამანადგურებელი ანგარიშით გამარჯვება მოჰყვა და ტრადიციულ მეტოქეს მთელი 14 ქულით გადაასწრეს.

როცა ეს გუნდები ერთმანეთს კვირას შეხვდებიან, ყველა მიხვდება, რომ მოვლენები კვლავ შეიცვალა. 7 ქულიანი უპირატესობისა და "ლივერპულზე" ექვსი ადგილით მაღალი ადგილის დაჭერისას ძალაუფლება ლუი ვან გაალის შეგირდების ხელშია.

Premierleague.com-ის ანალიტიკოსი, ედრიან კლარკი ცდილობს მომდევნო დაპირისპირებაში გაერკვეს.

"იუნაიტედის" ორმაგი შეტევის ძალა შესაძლოა დამანგრეველი აღმოჩნდეს

სუსტი დაცვის ხაზი ბრენდან როჯერსს გასულ სეზონში ტიტულის დაკარგვად დაუჯდა და ასეთ პრობლემას მიმდინარე სეზონშიც განიცდის. გასვლაზე მხოლოდ "ქპრ"-სა და "ლესტერს" აქვთ უფრო მეტი გოლი გაშვებული, ვიდრე "ლივერპულს".

დაცვის ხაზში მუდმივი ცვლილებები მერსეისაიდელებს სტაბილურობაში არ დაეხმარა და ისეთი შთაბეჭდილება იქმნება, რომ ისინი გაცილებით დიდ პრობლემებს განიცდიან ისეთი გუნდის წინააღმდეგ, რომელიც ორი თავდამსხმელით თამაშობს, ვიდრე ისეთი გუნდების წინააღმდეგ, რომელიც ერთი თავდამსხმელის თამაშობს. სხვაობა საგრძნობია და აი ცხრილიც:



რატომ არის ეს პრობლემა? როცა ცენტრფორვარდები წყვილად თამაშობენ ("იუნაიტედის" შემთხვევაში რუნი და პერსი), და ორივე ცენტრალურ მცველს მთლიანად ტვირთავენ, მთელი დაცვის ხაზს უხდება ურთიერთგაგების შენარჩუნება.

მნიშვნელოვანი როლი ეკისრება სიღრმეში შეწეულ ნახევარმცველს, ფლანგის მცველებს უფლება არ აქვთ საკუთარი და ცენტრალური მცველების პოზიციებს შორის სივრცეები დატოვონ. სწორედ ამ ასპექტში იგრძნობა "ლივერპულის" სისუსტე.

ყოველ ჯერზე, როცა "იუნაიტედის" თავდასხმა ბურთის მისაღებად ჩაიწევს, საჭირო იქნება მჭიდრო შევიწროვება ან მაშინვე ნახევარდაცვაში გამაგრება. წინააღმდეგ შემთხვევაში ორივე მათგანს შეუძლია კარს მზერა ესროლოს და შორეული მანძილიდან გაიტანოს გოლი. ვან გაალის გუნდმა საჯარიმოს გარედან 7 გოლი გაიტანა, რაც 2 გოლით მეტია ნებისმიერ სხვა გუნდზე.

"ლივერპულის" ფლანგის მცველებს, ალბერტო მორენოსა და გლენ ჯონსონსაც მოუწევთ შეტევისგან თავის შეკავება. "იუნაიტედის" ნებისმიერი თავდამსხმელის თავისუფლად დატოვება სარისკო იქნება, განსაკუთრებით თუ გავითვალისწინებთ იმას, რომ მხოლოდ "ბარნლი" ასრულებს უფრო მეტ შორეულ გადაცემას ერთ მატჩში საშუალოდ, ვიდრე "იუნაიტედი". სწორხაზოვნება - ეს არის ის, რასაც "ოლდ ტრაფორდზე" მოსული ახალი მწვრთნელი მიმართავს, თუ მომენტი შესაფერისია.

მიმდინარე სეზონის ისტორია მოგვითხრობს, რომ "ლივერპულის" ნერვიული დაცვის ოთხეული ცუდად უმკლავდება ორ თავდამსხმელს. იქნებიან კი საკმაოდ ორგანიზებულები იმისთვის, რომ რუნი და ვან პერსი გააჩერონ?

საფრთხე მაღლიდან

მარუან ფელაინის ძირითად შემადგენლობაში გამოჩენამ ვან გაალს საშუალება მისცა ახალი ტაქტიკის ექსპერიმენტირებისთვის მიემართა და ამან ორ შემთხვევაში გამოიღო შედეგი.

ეშლი იანგის მარცხენა ფლანგზე თამაშისგან სარგებლის ნახვისას, რასაც მატასა და ერერას სწორედ ამ ფლანგზე გადანაცვლება ემატება, "იუნაიტედი" შეტევებს ძირითადად მარცხნიდან აწარმოებს, რაც მარჯვენა ნახევარმცველს, მარუან ფელაინის საშუალებას აძლევს შორეულ ძელთან ჩაწოდებები კარში გადაგზავნოს.



"ემირეიტსზე" კირან გიბსის ავტოგოლი სწორედ მას შემდეგ გავიდა, რაც "არსენალის" ფლანგელი მცველი მარუან ფელაინისთან პირისპირ დარჩა. "სტოკთან" მატჩში ფელაინის მიერ გატანილი საშინაო გოლი კი თითქმის ისეთივე სიტუაციაში გავიდა, მაგრამ ამჯერად ერერამ ჩააწოდა.



ორი თავდამსხმელის შევიწროვების გარდა, ძალზედ მნიშვნელოვანი იქნება "ლივერპულის" ფეხბურთელების მხრიდან იანგის, მატასა და ერერას მონიტორინგი და ზრუნვა იმაზე, რომ თუ ფლანგიდან ჩაწოდება განხორციელდება ვიღაცამ ფელაინის ხელი შეუშალოს.

მორენო მაღალი მცველი არ არის და არც მინიატურული ჯო ალენი გამოდგება ამისთვის. ამგვარად, ფელაინიზე ზეწოლის მოხდენის ერთადერთ კანდიდატად შესაძლოა ჯორდან ჰენდერსონი გვრჩება.

"ლივერპული" ჩაწოდებების დროს ძალიან წარუმატებლად გამოიყურება. "ჩელსისთან", "ქპრ"-სთან, "ასრონ ვილასთან", "ნიუკასლთან" და "ვესტ ჰემთან" სწორედ ასეთი ჩაწოდებების შემდეგ გაუშვა გოლები.

თუ ფელაინი ითამაშებს, საჯარიმოში მის შერბენას ყურადღებით უნდა მოეკიდნონ.

ზეწოლის მოხდენის დროა

"იუნაიტედმა" ჩემპიონატის ხუთი თამაში მოიგო ზედიზედ, მაგრამ დაცვაში ჯერ კიდევ არის პრობლემები. როცა ზეწოლას ახდენენ, დაცვიდან ამოსვლა ძალიან ჭირს.

"სენტ მერიზე" "საუთჰემპტონთან" მატჩში "წმინდანები" მაღალ პრესინგს მიმართავდნენ და "იუნაიტედმა" 142-ჯერ დაკარგა ბურთი, რაც მათი მესამე უცუდესი მაჩვენებელია მიმდინარე სეზონში. ნებისმიერ სხვა დღეს შეიძლებოდა წართმევათა ასეთი რაოდენობა "საუთჰემპტონს" უფრო მეტ გოლად ექცია, ვიდრე 1 გოლია.

მართალია, "ლივერპული" ვერ თამაშობს იმავე ენერგიითა და თავდაჯერებულობით, რაც წინა სეზონში "ოლდ ტრაფორდზე" აჩვენეს, მაგრამ თუ აგრესიული პრესინგისთვის გამბედაობა ეყოფათ, მასპინძლებს ძალიან გაუჭირდებათ.

სწრაფი ნახევარდაცვის ძალა

სწორედ დინამიურმა და მოძრავმა თამაშმა განაპირობა "ლივერპულის" გასული წლის გამარჯვება და მიუხედავად იმისა, რომ წელს სუარესისა და სტარიჯის გარეშე ითამაშებენ, ეს არ ნიშნავს, რომ ნაცადი ხერხით სარგებლის ნახვას არ ეცდებიან.

რაჰიმ სტერლინგისა და ფილიპე კოუტინიოს სახით "სკაუზერებს" პრემიერ ლიგის საუკეთესო (ერთ-ერთი) და სწრაფი დრიბლიორები ჰყავთ. თუ ორივე მათგანი ფორმაში იქნება, "იუნაიტედის" არამყარ დაცვას, რომელშიც ორი ფეხბურთელი ვინგერი იქნება, ძალიან გაუჭირდება.



როცა ბურთი რიკი ლამბერტს მისდის, აუცილებელია ყურადღების მიქცევა სტერლინგზე, კოუტინიოზე, ჰენდერსონსა და ჯერარდზე, რომლებიც მოწინააღმდეგის დაცვაში ზონების ძებნას მოჰყვებიან.

შესაძლოა "ლივერპულმა" დაკარგა ძველი ფორმა, მაგრამ მაინც რჩება ათლეტურ გუნდად. ღირს ამის ხარჯზე თამაში.

უკანასკნელი აზრი

ამჟამად "მანჩესტერ იუნაიტედს" გაცილებით ძლიერი შეტევის ხაზი ჰყავს და უფრო მეტად მიმდევრობითი ტაქტიკური მიდგომა აქვს, ამიტომ სამართლიანად ითვლება ფავორიტად ამ მატჩში.

ბრენდან როჯერსმა ჯერ კიდევ ვერ მოახერხა ოპტიმალური შემადგენლობის აღმოჩენა და "ლივერპულის" პრობლემა სწორედ ამაშია. მაგრამ თუ მისი გუნდი იმავე ენერგიას მიმართავს, რაც გასულ წელს აჩვენეს, მის გუნდს შეუძლია წარმატების იმედი ჰქონდეს.

თუ ვილაპარაკებთ თამაშის ხარისხზე და თავდაჯერებულობაზე, ორივე გუნდს ბევრი რამ აქვს გასაკეთებელი, სანამ იმ დონეს მიაღწევენ, რომელსაც ქომაგი ელოდება მათგან. მაგრამ დღევანდელ პირობებშიც კი ეს თამაში სანახაობრივი და ენერგიული გამოდგება.

წყარო: carrick.ru