"მანჩესტერ იუნაიტედის" მთავარი მწვრთნელის ყოფილი ასისტენტი, მაიკ ფელანი თვლის, რომ ვან გაალი პირადად არის დამნაშავე "იუნაიტედის" ტრავმების ასეთ მრავალრიცხოვნებაში.

კრის სმოლინგის ორშაბათს მიღებული დაზიანება "იუნაიტედისთვის" 42-ე ტრავმა აღმოჩნდა მიმდინარე სეზონში.

მაიკ ფელანი კი, რომელიც ფერგიუსონს 2008-2013 წლების სეზონში უწევდა ასისტენტობას თვლის, რომ ტრავმების ეპიდემია ვან გაალის ბრალიცაა, რომელმაც ტონი სტრადვიკი ფიზიკური მომზადების მწვრთნელის პოსტიდან დაითხოვა.

"ერთი და იგივე ფეხბურთელები მუდამ იღებენ ტრავმას, ამიტომ შენ ამის მიზეზებს უნდა დააკვირდე. ვფიქრობ, "მანჩესტერ იუნაიტედმა" ფიზიკური მომზადების შესახებ აზრი შეიცვალა, ისინი ამას სულ სხვაგვარად აკეთებენ."

"ტონი სტრადვიკი, რომელიც სპორტულ მეცნიერებას ფლობდა, გუნდთან ერთად ყოველდღიურად მუშაობდა. მას ესმოდა, როგორ შეენარჩუნებინა მოთამაშეები ჯანმრთელ მდგომარეობაში და როგორ ჰყოლოდა ბრძოლისთვის მზადყოფნაში."

"შემდეგ მას უცებ ცვლიან და რაღაც სრულიად სხვაგვარს აკეთებენ. ამას ეფექტის მოხდენა შეეძლო. ეს ერთ-ერთი ფაქტორია."

"მნიშვნელოვან როლს თამაშობს ვარჯიშების ინტენსიურობა - ისინი შეიძლება იყოს ძალიან ინტენსიური, ან არც იყოს. მაგრამ მოვლენების მიმდინარე განვითარების შედეგად ნათელია, რომ მცირე ცვლილებები მოხდა." - განაცხადა მაიკ ფელანმა.

წყარო: fapl.ru