რადამელ ფალკაომ "მანჩესტერ იუნაიტედის" ოფიციალურ ჟურნალთან ინტერვიუში რუუდ ვან ნისტელროისადმი თავისი სიმპათიები არ დამალა.
როცა ჰკითხეს, თუ სამხრეთ ამერიკასა და ევროპაში თამაშიშას "წითელი ეშმაკების" რომელი ფეხბურთელით იხიბლებოდა, მან უპასუხა: "ჩემ პოზიციაზე ყოველთვის რუუდ ვან ნისტელროით. ის თვალისმომჭრელი იყო ჩემთვის."
კოლუმბიელმა ფორვარდმა თავისი საყვარელი ფეხბურთელების ჩამოთვლა გააგრძელა: "ასევე რაიან გიგზი და პოლ სქოულზი მათი სათამაშო სტილის გამო. მთელი მსოფლიოს მასშტაბით მათ ყველაზე მეტი თაყვანისმცემელი ჰყავთ. დევიდ ბექჰემიც რა თქმა უნდა. არ შემეძლო ის არ შემემჩნია, რადგან მან, როგორც ფეხბურთელმა კონტინენტებს შორის გზები გახსნა. ისინი არიან ლეგენდები, რომელთაც გმირობის სრული უფლება აქვთ. ერიკ კანტონაც ასევე - ის ძალიან ამაღელვებელი და სანახაობრივი ფეხბურთელი იყო."