ლუი ვან გაალმა უარყო გავრცელებული ხმები იმის შესახებ, თითქოს მისი გუნდი მცველის შეძენას ზამთარშივე გეგმავდეს.
ვან გაალი დაცვის ხაზში არსებულ კრიტიკულ მდგომარეობას ყურადღებას არ აქცევს, მიუხედავად იმისა, რომ უკანასკნელ შეხვედრაში მცველის ფუნქციის შეთავსება მაიკლ კერიკის მოუხდა.
"რთულია სხვა გამოსავლის პოვნა სიტუაციაში, როცა გუნდში ბევრი ტრავმირებულია. მაგრამ, გვჭირდება თუ არა ჩვენ ახალი ფეხბურთელები? არა, ისინი საკმარისზე მეტი გვყავს." - განაცხადა ვან გაალმა.
"საუთჰემპტონთან" დაშავებული კრის სმოლინგის გარდა ლუი ვან გაალს კიდევ ოთხი მცველი ჰყავს ტრავმირებული რაფაელის, ჯონი ევანსის, ფილ ჯონსისა და ლუკ შოუს სახით.