"მანჩესტერ იუნაიტედის" მთავარმა მწვრთნელმა, ლუი ვან გაალმა Sky Sports-ის ექსპერტს, გარი ნევილს ურჩია, რომ თავისი ყოფილი გუნდის შესახებ ნათქვამ სიტყვებს დაუკვირდეს.
"საუთჰემპტონის" მატჩის განხილვისას გარიმ განაცხადა, რომ ასეთი თამაშით "იუნაიტედს" შეუძლია ჩემპიონობისთვის ბრძოლა ახლავე დაივიწყოს.
"არ ვფიქრობ, რომ ეს ძალუძთ. რა თქმა უნდა, ისინი ტრავმებმა გატანჯეს, მაგრამ შეგვიძლია ვთქვათ, რომ ტიტულს მოიგებენ? არა, მათ საკმაოდ სუსტი დაცვა ჰყავთ, ამისთვის ოსტატობა არ ეყოფათ."
"სამწუხაროდ, ძალიან ცუდად თამაშობენ ბურთით, თითქმის ვერ გადადიან კონტრშეტევებზე, არ ჰყოფნით სისწრაფე, უბრალოდ ვერაფრით დაიკვეხნიან. დღეს მათ ჩაიდინეს მკვლელობა, რომელიც დაუსჯელი დარჩა, უნდა მოუმატონ." - განაცხადა გარი ნევილმა Sky Sports-ის ეთერში.
ვან გაალის რეაქციამ არ დააყოვნა. "იუნაიტედის" თავკაცის თქმით, ნევილი უნდა დაუკვირდეს, თუ რას ამბობს თავისი ყოფილი გუნდის შესახებ.
"მკვლელობა, რომელიც დაუსჯელი დარჩა? ეს რა, ახალი ინგლისური გამოთქმაა? გარის შეუძლია ნებისმიერი რამ თქვას, ის კლუბის ყოფილი ლეგენდაა, მაგრამ თუ შენ ყოფილი ლეგენდა ხარ, უნდა დაუკვირდე რას ამბობ." - განაცხადა ლუი ვან გაალმა.