"მანჩესტერ იუნაიტედის" თავდამსხმელი, რობინ ვან პერსი "საუთჰემპტონთან" მოპოვებულ გამარჯვებას სამომავლო წარმატებისკენ მიმავალ გზად მიიჩნევს.
დუბლის ავტორის წყალობით - პირველი გოლი ჟოზე ფონტეს შეცდომის, მეორე გოლი კი რუნის ჩაწოდებული ჯარიმის შემდეგ გაიტანა - "წითელმა ეშმაკებმა" ინგლისის სამხრეთი ნაწილი სატურნირო ცხრილში მესამე ადგილზე გადანცვლებით დატოვეს და ვან პერსი ამას მთელი გუნდის დამსახურებად მიიჩნევს.
"მოედანზე ყველამ ყველაფერი გასცა და საბოლოო ჯამში შედეგი მივიღეთ. ვიცოდით, რომ რთული მატჩი იქნებოდა. მათ კარგი გუნდი ჰყავთ, ასე რომ, ვიცოდით რა მოლოდინი გვქონოდა - ამაზე მთელი კვირის განმავლობაში ვმუშაობდით. ბოლოს და ბოლოს ეს ჩვენი მეხუთე გამარჯვებაა ზედიზედ, ჩვენ წინ მივიწევთ."
ვან პერსიმ ჟოზე ფონტეს შეცდომის შედეგად გატანილი გოლის შესახებ ასეთი კომენტარი გააკეთა: "ეს აზარტულ თამაშს ჰგავს. ათიდან ცხრა შემთხვევაში ასე არ ხდება, მაგრამ როცა ხდება მაშინ უნდა გაიტანო. გამიმართლა - ვფიქრობ, ბურთმა მის ფეხებს შორის გაიარა, მაგრამ იღბალს სწორედ ასეთ დროს ცდი." - განაცხადა ჰოლანდიელმა.
ვან პერსიმ თავისი ფიზიკური მდგომარეობის შესახებაც ისაუბრა.
"ბოლო რამდენიმე კვირის განმავლობაში თავს შესანიშნავად ვგრძნობდი. ფიზიკურად, შემიძლია ისევ და ისევ ვირბინო. ისეთი გრძნობა მაქვს, თითქოს ენერგია მომიზღვავდა. გასულ კვირას "სტოკთან" ჩატარებული მატჩის შესახებ ვფიქრობდი და თავს ძალიან კარგად ვგრძნობდი. ფორმაში ვიყავი. მიუხედავად იმისა, რომ იმ თამაშში ყველაფერი ჩემ სასარგებლოდ არ წარიმართა, კარგი გრძნობა მქონდა. დღეს თითოეულ ჩვენგანს შეუძლია ბედნიერი იყოს და მეც შემიძლია ბედნიერი ვიყო. მე სვლა უნდა გამეგრძელებინა უკანასკნელ წუთებში და თქვენ სწორედ ეს გჭირდებოდათ. ამის შემდეგ გოლები, საგოლე გადაცემები და გამარჯვებები თავისით მოვა. მე უბრალოდ ასე უნდა გავაგრძელო და უფრო მეტი ვითამაშო."
"ჩემი მეორე გოლის შემდეგ ჩვენ კიდევ 25 წუთი უნდა გვეთამაშა ძალიან კარგი გუნდის წინააღმდეგ. შენ იცი, რომ ისინი შანსს მიიღებენ, რადგან ეს კარგი გუნდია, მაგრამ ჩვენც კარგად დავიცავით თავი. ჩვენ გვყავდა ფანტასტიური მეკარე, დიდებული ოთხი მცველი - თუ ხუთი - დღევანდელ მატჩში და ვფიქრობ, ეს ყველაფერი კარგი იყო."
"მომდევნო შეხვედრა "ლივერპულთან" გვაქვს, ასე რომ მას მოუთმენლად ველოდებით. ძალიან ბედნიერები ვართ, რომ ახლა წინ მივიწევთ. ასეთი მუხტი უნდა შევინარჩუნოთ." - დაასრულა "იუნაიტედის" თავდამსხმელმა.