"მანჩესტერ იუნაიტედის" ლეგენდების გუნდი "ოლდ ტრაფორდს" ივნისში დაუბრუნდება, ამჯერად "ბაიერნის" ლეგენდებთან დაპირისპირებით. მატჩში შემოსული თანხა ტრადიციულად "იუნაიტედის" საქველმოქმედო ფონდს მოხმარდება.

"წითლების" გუნდს კვლავინდებურად. ბრაიან რობსონი გაწვრთნის. გერმანელებიც საკმაოდ ძლიერი გუნდით ესტუმრებიან მასპინძლებს. შეხვედრა 2015 წლის 14 ივნისს გაიმართება. "იუნაიტედი" ამ სანახაობრივი მატჩის გარდა ღონისძიების ფარგლებში მუსიკალურ კონცერტებსა და კიდევ ბევრ სიურპრიზს გვპირდება.

"მანჩესტერელები" უკვე ორჯერ დაუპირისპირდნენ მადრიდის "რეალის" ლეგენდებს, რამაც ფონდის ბიუჯეტი 1 მილიონი ფუნტით გაზარდა. ზაფხულში "წითლები" გერმანიაში ეწვივნენ "ბაიერნის" ლეგენდებს, სადაც პოლ სქოულზისა და ენდი კოულის გოლების შედეგად მატჩი ფრედ, ანგარიშით 3:3 დასრულდა.

ტრებლის მომპოვებელმა დუაით იორკმა განაცხადა: "ქველმოქმედება ყოველთვის კარგია, ამ მოვლენას კიდევ უფრო საინტერესოს ხდის ჩვენი გუნდების დაპირისპირების ისტორია. ახლა უკვე ჩვენ ერთად შეგვიძლია დავეხმაროთ უნარშეზღუდულ ბავშვებს. ამ მიზნით თამაში სასიამოვნოა, სწორედ ეს საქმიანობაა პენსიაზე გასვლის დიდი პლიუსი".

წყარო: manutd.com