"ლივერპულის" ყოფილი მცველი ჯეიმი კარაგერი მიიჩნევს, რომ ამ დროისათვის ინგლისის პრემიერ ლიგაში დე ხეა საუკეთესოა და მას კონკურენტი არ ჰყავს.
"დევიდი შესანიშნავია. ამ ეტაპზე ის პრემიერ ლიგაში საუკეთესო მეკარეა. ყოველ შემთხვევაში ესპანელზე უკეთეს თამაშს, ჯერ-ჯერობით ინგლისში არც ერთი მეკარე არ აჩვენებს. მისი უზარმაზარი პროგრესი ყველასათვის შესამჩნევია. არ არის გამორიცხული, რომ დე ხეას ტრანსფერი სერ ალექს ფერგიუსონის მიერ განხორციელებული ყველაზე წარმატებული ტრანსფერი გახდეს."
"ამ ეტაპზე "იუნაიტედი" ისეთივე დიდ უპირატესობას ფლობს, როგორიც ერთი წლის წინ "ლივერპულს" ჰქონდა. თუ ტრავმებს არ ჩავთვლით "იუნაიტედი" სეზონს უმაღლეს პოზიციაზე დაასრულებს, მაგრამ თუ გუნდი წარმატებების მიღწევას ვერ შეძლებს, ვან გაალის მიმართულებით უამრავი შეკითხვა გაჩნდება."-ციტირებს კარაგერის სიტყვებზე Skysports.