"მანჩესტერ იუნაიტედი" მომდევნო შეხვედრაში "საუთჰემპტონს" დაუპირისპირდება.
"წმინდანებისა" და "ეშმაკების" სათავეში ჰოლანდიელი მწვრთნელები დგანან და პრესა ამ მატჩს ორმაგ დატვირთვას ანიჭებს.
ლუი ვან გაალი კი ამაში ვერავითარ პრობლემას ვერ ხედავს და კუმანის მისამართით საქებარ სიტყვებს არ იშურებს.
"ეს პირადულია, მაგრამ ხელის ჩამორთმევა პრობლემა არ იქნება."
"ის ძალიან კარგი მწვრთნელია. "საუთჰემპტონს" ძალიან კარგი გუნდი ჰყავს, რომელთა უმრავლესობას ვიცნობ - ასევე არიან ისეთი ფეხბურთელებიც, რომლებიც ჩვენც შემოგვთავაზეს."
ერთ-ერთი ისეთი ფეხბურთელი, რომელსაც ლუი ვან გაალი კარგად იცნობს გრაციანო პელეა, რომელსაც "ალკმაარში" მუშაობის დროს წვრთნიდა.
"გაკვირვებული არ ვარ მისი კარგი თამაშით, რადგან ის მეც შეტევისთვის ვიყიდე."
"პელე რობინ ვან პერსის ჰგავს. ის არ არის თავდამსხმელი, რომელიც მხოლოდ გოლს იტანს, ის საგოლე პასებსაც აკეთებს."
"პელე მას შემდეგ ვიყიდე, რაც ევროპის ახალგაზრდულ ჩემპიონატზე ჰოლანდიის ნაკრებში მისი თამაში ვნახე."
"როცა კუმანმა ის "ფეიენოორდში" წაიყვანა, ის გაიფურჩქნა, ეს დიდებული იყო მისთვის." - განაცხადა ვან გაალმა.