ლუი ვან გაალმა განაცხადა, რომ "მანჩესტერ იუნაიტედის" ქომაგებს ჩემპიონთა ლიგაზე დაბრუნების გარანტიას ვერ მისცემს.
ამჟამად "წითელი ეშმაკები" საკმაოდ დამაჯერებელად იკავებენ მეოთხე ადგილს. "იუნაიტედმა" უკანასკნელი ოთხი შეხვედრა მოიგო და მომდევნო მატჩს მესამე ადგილოსანი "წმინდანების" წინააღმდეგ ჩაატარებს.
ვან გაალი კი დასკვნების გაკეთებას არ ჩქარობს.
"რა თქმა უნდა არ ველი, რომ ჩემპიონთა ლიგის საგზური აუცილებლად ჩვენი იქნება, რადგან ყველაფერს სეზონის ბოლოს დაკავებული ადგილი წყვეტს. შენ ახლანდელ მდებარეობას მნიშვნელობა არ აქვს."
"მიუხედავად ტრავმებისა, ჩვენ სწორი მიმართულებით ვვითარდებით."
"ვფიქრობ, მნიშვნელოვანია სწორედ ის, რომ ფეხბურთელები ჩვენ ფილოსოფიას მისდევენ - სწორედ ამიტომ, ჩვენ შეგვიძლია სწორი მიმართულებით განვვითარდეთ, მიუხედავად იმისა, რომ უამრავი ცვლილება მოხდა." - განაცხადა ვან გაალმა.