ტელეარხი Sky-ს ექსპერტი, ჯეიმი კარაგერი თვლის, რომ "მანჩესტერ იუნაიტედს" ძალიან გაუჭირდება "საუთჰემპტონის" დამარცხება.
"წითელი ეშმაკები" ორშაბათს "წმინდანებს" გასვლით შეხვედრაში დაუპირისპირდებიან და ზედიზედ მეხუთე გამარჯვების მოპოვებას ეცდებიან.
"ლივერპულის" ყოფილ ფეხბურთელს მიაჩნია, რომ რონალდ კუმანის გუნდის დამარცხება ადვილი არ იქნება.
"ვფიქრობ, "საუთჰემპტონს" არ სურს ზედიზედ მესამე მარცხი, ამიტომ ყველაფერს გააკეთებენ წარმატების მისაღწევად. "იუნაიტედი" კი თავის მხრივ კარგ ფორმაში იმყოფება და მოგებათა კარგი სერია აქვს. მათი შედეგები და ოპტიმიზმს ბადებს, მაგრამ "საუთჰემპტონთან" მატჩში ძალიან გაუჭირდებათ."
"იბრძოლებს თუ არა "იუნაიტედი" ჩემპიონის ტიტულისთვის მიმდინარე სეზონში? მათ არავითარი შანსი არ აქვთ. ზამთარში დიდი თანხაც რომ დახარჯონ და ყველა შეიძინონ, ვინც საჭიროა ოქროს მედალს ისინი თვალით ვერ იხილავენ. "იუნაიტედის" მთავარი მიზანი - ჩემპიონთა ლიგაზე დაბრუნებაა. ასეთი დავალების ძალა "იუნაიტედს" შესწევს და ვფიქრობ არც გაუჭირდებათ." - განაცხადა კარაგერმა.