ორშაბათს "საუთჰემპტონთან" სტუმრობა "წითელ ეშმაკებს" ნამდვილ გამოცდას უმზადებს და ეშლი იანგი დარწმუნებულია, რომ ზედიზედ ოთხი მატჩის მოგების შემდეგ მისი თანაგუნდელები თავდაჯერებულები არიან.
"წითელმა ეშმაკებმა" გასულ თვეში "კრისტალ პალასი," "არსენალი", "ჰალ სიტი" და "სტოკ სიტი" ერთმანეთის მიყოლებით დაამარცხეს და "სენტ მერიზე" მოპოვებული კიდევ ერთი სამი ქულა "ეშმაკებს" "წმინდანების" გადასწრების საშუალებას მისცემს, რაც მესამე ადგილზე გადასვლას ნიშნავს.
"როცა მატჩების მოგებას იწყებ, თავდაჯერებულობა ცამდე ადის. როცა სახლშიც და გასვლაზეც ზედიზედ იმარჯვებ ეს ფანტასტიურ თავდაჯერებულობას გმატებს."
"თითოეული ჩვენგანი სწორი მიმართულებით ვვითარდებით და თავს კარგად ვგრძნობთ, რასაც "საუთჰემპტონის" წინააღმდეგ გამოვიყენებთ. ეს რთული მატჩი იქნება, მაგრამ პრემიერ ლიგაში ადვილი მატჩები არც არსებობს."
"საუთჰემპტონმა" სეზონი კარგად დაიწყო და ლიგაში მესამე ადგილზე არიან, ასე რომ, ვიცით, ეს რთული იქნება. მაგრამ თუ იქ ჩავალთ და ისე ვითამაშებთ, როგორც ბოლო დროს, განსაკუთრებით ბოლო ოთხ თამაშში, დარწმუნებული ვარ სამ ქულას ავიღებთ." - განაცხადა იანგმა.