ლუი ვან გაალმა "მანჩესტერ იუნაიტედის" ერთიანობას გაუსვა ხაზი.

კლუბის კაპიტანმა, უეინ რუნიმ საშობაო საღამოს ორგანიზება გაუწია და მის პარტნიორებს, სამწვრთნელო შტაბსა და მთავარ მწვრთნელს სჯერათ, რომ ამ კვირის წვეულებები გუნდის სულსა და ურთიერთგაგებას აჩვენებს.

"ფანტასტიური იყო. ჩვეულებრივ ასეთ სიტყვებს არ ვიყენებ, მაგრამ ვფიქრობ ამან მოთამაშეებისა და სამწვრთნელო შტაბის გუნდური ერთიანობა აჩვენა. მე და ჩემმა ცოლმა ძალიან ვისიამოვნეთ."

"გუნდი ძალიან მნიშვნელოვანია და ჩვენი საშობაო წვეულების აღნიშვნა სწორედ ამიტომ იყო ფანტასტიური - მან გუნდის ერთიანობა აჩვენა. ვფიქრობ, შესანიშნავ მდგომარეობაში ვართ." - განაცხადა ვან გაალმა.

მოედანი არ არის ერთადერთი ადგილი, სადაც საქმე კარგად მიდის. მოედანზე "წითლებმა" ზედიზედ ოთხი გამარჯვება მოიპოვეს და "ლივერპულის" "ოლდ ტრაფორდზე" ჩამოსვლამდე მეხუთე გამარჯვების მოლოდინში არიან "საუთჰემპტონთან".

კარგად მიმდინარე მოვლენებმა "იუნაიტედის" ქომაგებში დაბადა რწმენა იმისა, რომ გუნდი სწორი მიმართულებით ვითარდება: ვან გაალს კი გამარჯვებულის რეპუტაციის აღდგენა და ტიტულის მოპოვება სურს.

"ყოველთვის მინდა თასის მოგება. ეს არის ის, რასაც სხვა გუნდებში პირველივე სეზონში ვაკეთებდი, ასე რომ მინდა გულშემატკივარს ტიტული მოვუპოვო. ტიტულის მოპოვების ყველაზე იოლი გზა ასოციაციის თასია, რომელიც გაცილებით ნაკლები თამაშების მოგებას მოითხოვს."

ასოციაციის თასზე "იუნაიტედის" პირველი მეტოქის ვინაობა ორშაბათს კენჭისყრის შედეგად გაირკვევა.

წყარო: manutd.com