არგენტინელი ვინგერი ამბობს რომ, ის აუცილებლად დაეხმარება "იუნაიტედს" დაბრუნდეს ჩემპიონთა ლიგაზე, რადგან მას ძალიან ენატრება ამ ტურნირზე თამაში.
ანხელის, ევრო ტურნირზე, ბოლო მატჩი გასული წლის ფინალი იყო. დი მარიამ დიდი წვლილი შეიტანა იმაში რომ, "მადრიდის რეალმა" მეათედ მოიპოვა ეს ტიტული და დამსახურებულადაც დასახელდა საუკეთესო მოთამაშედ.
დი მარია: "მენატრება ჩემპიონთა ლიგაზე თამაში. ჩვენ მაქსიმუმი უნდა გავაკეთოთ ამ სეზონში, რომ გუნდი დავაბრუნოთ საუკეთესო გათამაშებაში.
ეს არ იქნება ადვილი. მაგრამ რამდენიმე კვირის წინ ჩვენ ვიყავით მე-7 ან მე-8 ადგილზე ლიგაში, ახლა კი ოთხეულში ვართ და პროგრესი უნდა განვაგრძოთ.
ჩვენი მთავარი მიზანია გუნდი იქ დავაბრუნოთ სადაც მისი ადგილია. რა თქმა უნდა, მე მსურს ტიტულების მოგებაც, მაგრამ ყველაფერი დროსთან ერთად მოვა, რადგან გუნდში ახალი მენეჯერი და ფეხბურთელები არიან.
სეზონის დასრულებამდე კიდევ დიდი დროა, თუმცა "ჩელსის" უკვე გაცილებით მეტი ქულა აქვს ვიდრე ჩვენ. აუცილებლად ბოლომდე ვიბრძოლებთ და რაც შეიძლება მაღალ საფეხურზე დავასრულებთ ჩემპიონატს.
ვფიქრობ ეს გუნდი უნდა დაბრუნდეს საუკეთესოთა შორის და ეს ასეც მოხდება."