რობი სევეჯს მიაჩნია, რომ ლუი ვან გაალი ფელაინიზე დიდ გავლენას ახდენს და ბელგიელის უკანასკნელი წარმატებები სწორედ მისი დამსახურება.
მარუანი "მანჩესტერ იუნაიტედს" დევიდ მოიესთან ერთად "ევერტონიდან" შეუერთდა და მთავარი მწვრთნელის მსგავსად მასაც ცუდი სეზონი გამოუვიდა.
მიმდინარე სეზონის დაწყების წინ ხშირად იწერებოდა, რომ ფელაინი კლუბს დატოვებდა. სავარაუდო შემძენად "ნაპოლი" ითვლებოდა, თუმცა ტრავმამ მარუანს სამედიცინო შემოწმების გავლაში ხელი შეუშალა და იგი ლუი ვან გაალის გუნდში დარჩა.
მიმდინარე წელს ბელგიელმა ფეხბურთელმა უკვე მოახერხა ორი გოლის გატანა "იუნაიტედის" რიგებში და საკმაოდ წარმატებულ თამაშს აჩვენებს, რაც რობი სევეჯს ლუი ვან გაალის დამსახურებად მიაჩნია.
"ლუი ვან გაალმა მარუან ფელაინიზე რაღაც მაგიური ზეგავლენა მოახდინა. ჯერ კიდევ რამდენიმე კვირის წინ ყველა დარწმუნებით ამბობდა, რომ მარუანი "მანჩესტერ იუნაიტედის" დონეს არ შეესაბამებოდა."
"მან კი გუნდს ცენტრში ძალა და აგრესია შესძინა. ახლა "იუნაიტედის" მოწინააღმდეგეები ცენტრში თავს ლაღად ვეღარ გრძნობენ."
"ამასთან ერთად, "იუნაიტედს" ჰყავს ისეთი ფეხბურთელები, როგორიც დი მარია, ფალკაო, ვან პერსი და რუნი არიან. ვინ იფიქრებდა, რომ სეზონის შუალედში გუნდის წამყვან ფეხბურთელებად დე ხეა და ფელაინი იქცეოდნენ." - აცხადებს სევეჯი.