"ლესტერ სიტის" თავკაცი, ნაიჯელ პირსონი, მზად არის გაწყვიტოს არენდა პაუელთან და ის "იუნაიტედში" იანვარშივე დააბრუნოს.

20-წლის ინგლისელი ზედიზედ 3 მატჩია ვერ ხვდება 18-კაციან განაცხადში და საერთოდაც მხოლოდ 2 მატჩი ჩაატარა "მელიების" მაისურით, ორივე შემთხვევაში შეცვლაზე შევიდა.

"იუნაიტედს" აქვს უფლება იანვარში გაწყვიტოს მიმდინარე არენდა და ნაიჯელიც ყველანაირად ეცდება შეთანხმება მიაღწიოს "ეშმაკების" ბოსებთან, რათა ნიკი უკან დაიბრუნონ.

პაუელის კონტრაქტი, "იუნაიტედში", 18 თვეში იწურება და დიდი ალბათობით წითლები კიდევ სხვა გუნდს მოძებნიან მისთვის, რათა მან სათამაშო პრაქტიკა მიიღოს.

ახალგაზრდა ინგლისელი, სერ ალექს ფერგიუსონმა შეიძინა "ქრიუ ალექსანდრიისგან" და მასზე დიდ იმედებსაც ამყარებდა. ნიკმა სადებიუტო შეხვედრაში გოლიც კი გაიტანა. ასევე ძალიან კარგად ასპარეზობდა "უიგან ატლეტიკში", სადაც ის გაანათხოვრეს, თუმცა როგორც ჩანს ბრიტანელის კარიერა ისე ვერ წარიმართა, როგორც თავად სურდა.


წყარო: telegraph.co.uk