"მანჩესტერ იუნაიტედის" ლეგენდა, როი კინი აცხადებს, რომ მზადაა სერ ალექს ფერგიუსონს შეურიგდეს, მაგრამ ამისთვის შოტლანდიელმა მას ბოდიში უნდა მოუხადოს.
"სიამოვნებით შევხვდები სერ ალექსს ჭიქა ყავის დასალევად, მაგრამ მხოლოდ მას შემდეგ, რაც ბოდიშს მომიხდის."
"სიამოვნებით დავასრულებდი ჩვენ შორის ნეგატიურ ურთიერთობას, მაგრამ მან ჩემ შესახებ ბევრი ცუდი რამ თქვა. ვფიქრობ, ვიმსახურებ ბოდიშის მოხდას ყოველივე იმის შემდეგ, რაც მან ჩემს შესახებ თქვა"
"სულაც არ ვაპირებდი ისეთი სახე მიმეღო, თითქოს ყველაფერი ნორმალურად იყო, როცა კლუბს ვტოვებდი. მინახავს როგორ ტოვებდა კლუბს სტივ ბრიუსი და ბრაიან რობსონი და არ მომეწონა კლუბის მიერ მათთან გამოთხოვება. თუ გულშემატკივარს მიაჩნია, რომ "ოლდ ტრაფორდზე" დიდებული კარიერა გავატარე, ძალიან მიხარია. თუ მათ მხოლოდ ჩემი და ფერგიუსონის ურთიერთობის დეტალები აინტერესებთ, ჯანდაბაშიც წასულან." - აცხადებს კინი.