ანდერ ერერამ თანაგუნდელებს მოუწოდა ძალები მოიკრიბონ, რადგან მათ ნამდვილად შეუძლიათ შეამცირონ სხვაობა "ჩელსისთან" და "მანჩესტერ სიტისთან".
"ვფიქრობ ამ თვეში შეგვიძლია მათ დავეწიოთ. "ჩელსი", "სიტი" და "საუთჰემპტონი" ჩვენ წინ არიან, თუმცა დარწმუნებული ვარ შეგვწევს ძალა აღმოვფხვრათ სხვაობა. ახლა ჩვენ მეოთხე ადგილზე ვიმყოფებით, თუმცა ის თამაში რასაც ვაჩვენებთ დაგვეხმარება აღმასვლაში."
როგორც ყველა ახალწვეულისთვის, ესპანელისთვისაც უჩვეულოა დეკემბრის გრაფიკი.
"ნამდვილად ახალია ეს ჩემთვის, თუმცა მოხარული ვარ, რადგან მიყვარს ფეხბურთი. ყოველთვის ერთი და იგივეს ვამბობ - მიყვარს ფეხბურთი, მიყვარს თამაში და იმით, რომ "მანჩესტერ იუნაიტედის" ნაწილი ვარ."
ანდერმა ადაპტაცია ადვილად გაიარა და შეეგუა პრემიერ ლიგის რიტმს, მაგრამ სეზონის სტარტში მას ტრავმები აწუხებდა.
"პრემიერ ლიგაში ძალიან მნიშვნელოვანია ფიზიკური მომზადება. მეტოქე ყოველთვის იღწვის გოლის გასატანად. ესპანეთში მეტოქე ელოდება შენ ქმედებებს, ინგლისში კი არავინ არაფერს ელოდება, ყველა ცდილობს ლამაზი და შემტევი ფეხბურთის ჩვენებას, გულშემატკივრის გასახარებლად. ეს მე ძალიან მომწონს და მინდა რეგულარულად ვეხმარებოდე გუნდს.
აღფრთოვანებული ვარ პრემიერ ლიგით, ვთვლი, რომ ის ყველაზე ძლიერი ლიგაა მსოფლიოში."