მარუან ფელაინის, რომელმაც "სტოკ სიტისთან" მატჩში პირველი გოლი გაიტანა და გუნდს ზედიზედ მეოთხე გამარჯვება მოაპოვებინა სჯერა, რომ ვან გაალისა და მისი ფილოსოფიისადმი რწმენას თავისი შედეგები მოაქვს.
"ჩვენ ერთმანეთს უკეთ ვიცნობთ და ვიცნობთ ასევე მწვრთნელსა თუ შტაბს. ვიცნობთ მწვრთნელის ფილოსოფიას. დიდი დატვირთვით ვვარჯიშობთ, ასე რომ, ასევე უნდა გავაგრძელოთ. კარგია ზედიზედ ოთხი თამაშის მოგება. ასე უნდა გავაგრძელოთ თამაში და უნდა გავაგრძელოთ მოგება. ეს თავდაჯერებულობისთვის მნიშვნელოვანია." - განაცხადა მარუანმა.
"მანჩესტერ იუნაიტედი" ამჟამად სატურნირო ცხრილში მეოთხე ადგილზე იმყოფება და მარუან ფელაინის იმედი აქვს, რომ მისი გუნდი წინსვლას არ შეწყვეტს და მოწინააღმდეგეები ქულებს დაკარგავენ.
"დიახ, ვფიქრობ შეცდომას ველოდებით, მაგრამ პირველ რიგში საკუთარ თავს უნდა შევხედოთ. ყოველ თამაშში ასე უნდა ვითამაშოთ და ამის შემდეგ ყველაფერს ვნახავთ. "ბოქსინგ დეის" შემდეგ ბევრი თამაშის ჩატარება გვიწევს და გამარჯვებების მოპოვება უნდა გავაგრძელოთ. "საუთჰემპტონი" სატურნირო ცხრილში ჩვენზე წინ იმყოფება და ორშაბათს ამასაც ვნახავთ." - აგრძელებს ფელაინი.
ფელაინიმ "ოლდ ტრაფორდზე" თავისი პირველი გოლი გაიტანა "სტოკ სიტისთან" მატჩში, ზოგადად კი ეს მისი მეორე გოლია "იუნაიტედის" რიგებში.
"თავდაჯერებულობისთვის კარგია გოლის გატანა. ჩაწოდებაც შესანიშნავი იყო და კომბინაციაც, ასე რომ კარგი გამოვიდა. თავს ცოტა დაღლილად ვგრძნობ, რადგან თითოეული თამაში ძირითადში დავიწყე, მაგრამ უნდა დავისვენო და ისევ გავაგრძელო შრომა."
ფელაინის სთხოვეს აეხსნა, თუ რა მოუვიდა სტივენ ნ'ზონზის გოლის ეპიზოდში.
"დიახ, კისერი გადავიგრიხე. ტკივილი ვიგრძენი, დიდი ტკივილი, ამიტომ ძირს უნდა დავმჯდარიყავი, რაც ჩემი შეცდომა იყო."