"მანჩესტერ იუნაიტედის" სახელს პორტუგალიური პრესა ისევ აკავშირებს ენცო პერესთან. მსგავსი შემთხვევა უკვე არაერთხელ მოხდა და პრესას თუ დავუჯერებთ "იუნაიტედი" ყოველ თვეში ცდილობს პერესის შეძენას, მაგრამ იანვრის სატრანსფერო ფანჯრის მოსვლასთან ერთად ხმები კიდევ უფრო გაძლიერდა.

თუმცა "იუნაიტედი" არ არის ერთადერთი გუნდი, რომლის სახელს უკავშირებენ არგენტინელ ფეხბურთელს. "ბენფიკას" ნახევარმცველით ესპანური "ვალენსიაც" ინტერესდება. პორტუგალიურმა კლუბმა კი პერესის ფასი 30 მლნ. ფუნტიდან 24 მლნ. ფუნტამდე დასწია.

"ბენფიკასთვის" "მანჩესტერ იუნაიტედისგან" 24 მლნ. ფუნტის მიღების ხელის შემშლელი ფაქტორი შესაძლოა ის გახდეს, რომ ლუი ვან გაალმა ენცო პერესი თავის ნომერ პირველ სამიზნედ არ აქციოს. პერესს თამაში შეუძლია როგორც მცველად, ისე შემტევ ან დამცველ ნახევარმცველად.

იმ შემთხვევაში, თუ "მანჩესტერ იუნაიტედი" დარენ ფლეთჩერსა და ანდერსონთან განშორებას გადაწყვეტს, პერესი იდეალური ვარიანტი იქნება მათ შესაცვლელად, თუმცა ეს ტრანსფერი უფრო საზაფხულო ხასიათს ატარებს.

წყარო: sportwitness.ning.com